بھارتی وزیراعظم کی مقبوضہ وادی میں آمد، سیکورٹی سخت اور متعدد رہنما گرفتار -
The news is by your side.

Advertisement

بھارتی وزیراعظم کی مقبوضہ وادی میں آمد، سیکورٹی سخت اور متعدد رہنما گرفتار

مقبوضہ کشمیر : بھارتی وزیراعظم کی آمد پر ملین مارچ کے اعلان سے بھارتی فوج بوکھلاہٹ کا شکارہوگئی، مقبوضہ وادی میں سیکورٹی سخت اورمتعدد رہنماوں کو گرفتار کرلیا ہے.

بھارتی وزیرِاعظم مودی کی آمد کیخلاف ملین مارچ کو روکنے کیلئے ہتھ کنڈے شروع کردئیے ہیں، مقبوضہ وادی میں کٹھ پتلی انتظامیہ نے پکڑ دھکڑ شروع کردی.

سری نگر میں سات نومبر کو ملین مارچ کو روکنے کیلئے بھارتی فورسز نے آج سے ہی لوگوں کی نقل وحرکت پر پابندی لگادی اور متعدد علاقوں میں سکیورٹی بڑھاتے ہوئے کرفیو نافذ کردیا.

مقبوضہ وادی میں ہڑتال کا سماں ہے، اسکول اور دفاتر بند جبکہ سڑکوں پر سناٹا ہے.

مودی کی آمد سے قبل حریت رہنما سید علی گیلانی، میر واعظ عمر فاروق اور دیگر رہنماؤں کو گھروں پر نظر بند کردیا اور لوگوں کو جامع مسجد سرینگر میں جمعہ کی نماز پڑھنے سے بھی روک دیا گیا ہے۔

Comments

comments

یہ بھی پڑھیں