site
stats
پاکستان

بینظیرکی برسی پرکشمیرانہیں یاد کررہاہے،میر واعظ

سری نگر:حریت رہنما واعظ عمر فاروق کا کہناہے کہ بینظیر کی برسی پر کشمیر انہیں یادکررہا ہے،انہوں نے محترمہ بینظیر بھٹو کوخراج عقیدت پیش کیاجس پر بلاول بھٹو نے ان کا شکریہ اداکیا۔

تفصیلات کےمطابق سماجی رابطے کی ویب سائٹ ٹویٹر پر حریت رہنما میر واعظ عمر فاروق نےشہیدمحترمہ بینظیر بھٹو کی نویں برسی پرانہیں خراج عقیدت پیش کیا۔

کشمیری رہنما میر واعظ عمرفاروق نے بلاول بھٹو زرداری کو دعا دی ہے کہ اللہ انہیں اپنی والدہ کے مشن کو آگے بڑھانے کا حوصلہ دے۔

دوسری جانب پیپلزپارٹی کے چیئرمین بلاول بھٹو زردای نے جواب میں ٹویٹ کی جس میں انہوں نےکہاکہ میر واعظ عمر فاروق کے الفاظ بہت معنیٰ رکھتے ہیں۔

بلاول بھٹو زرداری نے کشمیری رہنما میرواعظ عمرفاروق کاشکریہ اداکرتے ہوئے کہا کہ پوری قوم کشمریوں کی جدوجہد میں ان کے شانہ بشانہ کھڑی ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top