کراچی : کشمیر روڈ پر قائم چیس ڈپارٹمنٹل اسٹور میں لگنے والی آگ لگنے کا معاملے میں اہم پیشرفت سامنے آئی ہے، عمارت رہائش کے قابل ہے یا نہیں، فیصلہ جلد متوقع ہے۔
جیل چورنگی کے قریب واقع چیس ڈیپارٹمنٹل اسٹور پر واقع ایک رہائشی پراجیکٹ سمعیہ برج ویو کی تقدیر کا فیصلہ تاحال نہیں ہوسکا، کیونکہ این ای ڈی سول انجینئرنگ ڈیپارٹمنٹ کی ٹیم نے ابھی تک رہائشیوں کیلئے ‘‘محفوظ’’ عمارت کے ڈھانچے کو حتمی شکل نہیں دی۔
اس حوالے سے سندھ بلڈنگ کنٹرول اتھارٹی (ایس بی سی اے) ذرائع نے بتایا ہے کہ مذکورہ ڈپارٹمنٹل اسٹور سے جلی ہوئی اشیاء اور دیگر سامان کا ملبہ نکالا جارہا ہے۔
ترجمان ایس بی سی اے کے مطابق عمارت کے بیسمنٹ، گراؤنڈ فلور اور پہلی منزل کے نمونے لیے جارہے ہیں، یہ نمونے میٹریل ٹیسٹنگ کے لیے جامعہ کراچی کی فرانزک لیب بھیجنے جائیں گے۔
سندھ بلڈنگ کنٹرول اتھارٹی کا کہنا ہے کہ نمونوں کی ٹیسٹنگ کے بعد عمارت کے قابل رہائش ہونے یا نہ ہونے کا فیصلہ کیا جائیگا۔واضح رہے کہ یہ ایک طویل عمل ہے، کیونکہ رہائشی منصوبے کی حیثیت کا تعین کرنے کیلئے مختلف ٹیسٹ کئے جانے ہوتے ہیں۔