site
stats
پاکستان

اسلام آباد اورکشمیرکا سرحدی علاقہ سیلاب میں ڈوب گیا

اسلام آباد : بے رحم موجوں نے پنجاب اور کشمیر کے بارڈر کے علاقے بنال کو لپیٹ میں لے لیاہے۔ وفاقی وزیر پٹرولیم شاہد خاقان عباسی کے حلقہ میں 126گھروں سمیت 2000 ایکڑاراضی زیرآب آگئی۔

تفصیلات کے مطابق اسلام آباد اور کشمیر کاسرحدی علاقہ سیلاب میں ڈوب گیا، پنجاب کی تحصیل کلرسیداں سے تقریبا 30 کلومیڑ کے فاصلے پر وفاقی وزیر پٹرولیم شاہد خاقان عباسی کا حلقہ بنال پانی میں ڈوب چکا ہے۔

منگلا ڈیم کے پانی سے 126 سے زائد خاندان کے سیکڑوں افراد پانی کی بے رحم موجوں کی نذر ہو رہے ہیں اور کوئی پرسان حال نہیں، گھروں کی چھتوں پر کھڑے پانی میں گھرے مکین اپنی آنکھوں کے سامنے اپنے گھر تباہ ہوتے دیکھ رہے ہیں۔

علاقہ مکین کہتے ہیں کہ پانی آنے سے گھر تو برباد ہوئے قیمتی سامان کی صورت میں بھی لاکھوں کا نقصان برداشت کر چکے ہیں۔

اہل علاقہ نے وزیراعظم نواز شریف، وفاقی وزیر اور وزیر اعلیٰ سے فریاد کی ہے کہ رہے سہے گھر بچانے کے لئے ہنگامی بنیادوں پر اقدامات کریں، بصورت دیگر انہیں مناسب معاوضہ ادا کیا جائے تا کہ وہ پانی کی اس بستی سے ہجرت کر کے خوشحال زندگی گزار سکیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top