The news is by your side.

Advertisement

کراچی میں ایم کیوایم پاکستان کی کشمیر یکجہتی ریلی، بھارتی مظالم کی مذمت

کراچی : بھارتی فوج کے مظالم کے شکار کشمیری عوام سے اظہار یکجہتی کیلئے متحدہ قومی موومنٹ پاکستان کے زیر اہتمام کراچی میں لیاقت آباد سے پریس کلب تک ریلی نکالی گئی۔

تفصیلات کے مطابق کشمیری عوام پر بھارتی فوج کی بربریت کیخلاف ایم کیو ایم پاکستان کی جانب سے  کشمیر یکجہتی ریلی کا انعقاد کیا گیا، ریلی کی قیادت ایم کیوایم بہادرآباد کے رہنما عامر خان اور کنور نوید نے موٹر سائیکل پر کی۔

شرکا نے مظلوم کشمیریوں سے یکجتہی کا اظہار کرتے ہوئے بھارتی مظالم کی بھرپور مذمت کی، کشمیر یکجہتی ریلی کے شرکاء نے لیاقت آباد سے مارچ شروع کیا، اس موقع پر ایم کیو ایم کارکنان کی بڑی تعداد موجود تھی، جنہوں نے کراچی پریس کلب پہنچ کر پاکستان زندہ باد اور بھارتی مظالم کے خلاف شدید نعرے بازی کی۔

مظاہرین نے بھارتی حکومت کیخلاف بینرز اور پلے کارڈز اٹھائے ہوئے تھے، شرکاء سے خطاب کرتے ہوئے ایم کیو ایم کے رہنما عامر خان نے کہا کہ بھارتی حکومت اپنی حدود میں رہے، مظلوم کشمیریوں کا ناحق خون بہانا بند کرے، انہوں نے کہا کہ ضرورت اس امر کی ہے کہ مسئلہ کشمیر کو عالمی فورم پر بھرپور طریقے سے اٹھایا جائے۔

شرکاء سے خطاب میں متحدہ رہنما فیصل سبزواری نے کہا کہ جمہوریت پسند کہلانے والے بھارت کا گھناؤنا چہرہ دنیا کے سامنے آگیا، پوری قوم اور ایم کیو ایم پاکستان کشمیری بھائیوں کے ساتھ کھڑی ہے۔


خبر کے بارے میں اپنی رائے کا اظہار کمنٹس میں کریں‘ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیاپر شیئر کریں۔

Comments

comments

یہ بھی پڑھیں