The news is by your side.

Advertisement

’کشمیریوں سے اظہارِ یکجہتی کے بے مثال مظاہرے پر پاکستانیوں‌ کو خراج تحسین پیش کرتا ہوں‘

مظفرآباد: وزیراعظم آزاد کشمیر محمد فاروق حیدر نے پاکستانیوں کی جانب سے کشمیریوں سے اظہار یکجہتی کے بے مثال مظاہرے پر انہیں خراج تحسین پیش کیا۔

اپنے ایک بیان میں وزیراعظم آزاد کشمیر محمد فاروق حیدر خان کا کہنا تھا کہ ملت اسلامیہ پاکستان کی جانب سے کشمیریوں کے ساتھ اظہاریکجہتی کے بے مثال مظاہرے پر انہیں خراج تحسین پیش کرتے ہوئے شکریہ ادا کرتے ہیں، پاکستان اور کشمیر لازم و ملزوم ہیں۔

انہوں نے کہا کہ ہم تاریخی، مذہبی، ثقافتی اور جغرافیائی رشتوں کے ساتھ ساتھ دلی رشتوں میں بندھے ہوئے ہیں، مقبوضہ کشمیر کے اندر 5اگست کے بعد سے جو حالات برپا ہیں اس پر پاکستانی عوام نے جو ردعمل دیا اس سے سیز فائر لائن کے دونوں اطراف بسنے والوں کے حوصلے بلند ہوئے۔

مقبوضہ کشمیر کی بگڑتی صورتحال خطے کے امن کیلئے خطرہ ہے، آرمی چیف جنرل قمر باجوہ

جمعہ کو یوم یکجہتی کشمیر کے حوالہ سے پاکستان کے چاروں صوبوں اور آزاد کشمیر میں کشمیریوں کے ساتھ یکجہتی کے بے مثال مظاہروں پر اپنے خیالات کا اظہار کرتے ہوئے وزیر اعظم آزاد کشمیر نے کہا کہ پاکستان ہمارا اپنا ملک ہے جب کہ ہندوستان قابض، غاصب اور جارح ہے۔

ان کا کہنا تھا کہ ایک طرف ہندوستان خصوصی حیثیت ختم کرنے کے ساتھ ساتھ وادی کو جیل بنا کر کشمیریوں کا قتل عام کررہا ہے دوسری جانب ملت اسلامیہ پاکستان ہے جو زلزلہ ہو یا کوئی بھی قدرتی آفت، لائن آف کنٹرول پر فائرنگ ہو، یا مقبوضہ کشمیر کی حیثیت کا خاتمہ ہو یا ظلم و ستم ہو کشمیر یوں کے ساتھ کھڑا رہا انہی بنیاد پر کشمیری پاکستان کے ساتھ الحاق چاہتے ہیں۔

Comments

comments

یہ بھی پڑھیں