The news is by your side.

Advertisement

برہان مظفروانی کا چوتھا یوم شہادت ، کل مقبوضہ وادی میں مکمل ہڑتال کا اعلان

سری نگر : حریت رہنما برہان مظفروانی کے چوتھے یوم شہادت پر کل مقبوضہ وادی میں مکمل ہڑتال کا اعلان کردیا گیا، برہان وانی کوبھارتی فورسزنے 2016 میں شہید کیا تھا۔

تفصیلات کے مطابق مقبوضہ کشمیر میں بھارت کی ریاستی دہشت گردی جاری ہے، پلواما میں بھارتی فورسز کی فائرنگ سے ایک اورکشمیری نوجوان شہید ہوگیا۔ نوجوان کومحاصرےکےدوران شہید کیا گیا۔

پلواما کے داخلی اورخارجی راستے بند کردیئے گئے اور بھارتی فورسز نے گھروں میں گھس کرتوڑپھوڑ کے ساتھ خواتین سے بدسلوکی کی۔

دوسری جانب حریت رہنما برہان مظفروانی کے یوم شہادت پر بدھ کو مقبوضہ وادی میں مکمل ہڑتال ہوگی، ہڑتال کی کال علی گیلانی اورحریت کانفرنس نے دی ہے، برہان وانی کوبھارتی فورسزنےدوہزارسولہ میں شہید کیا تھا۔

دوسری جانب مظلوم کشمیریوں پرظلم ڈھانے والے بھارتی سیکیورٹی اہلکار خودکشیاں کرنے لگے ، پلواما میں ایک بھارتی سیکیورٹی اہلکار نےافسرکوفائرنگ کرکے ہلاک کرکےخودکشی کرلی جبکہ بارہ مولامیں بھی ایک بھارتی سیکیورٹی اہلکارنے خودکشی کی۔

Comments

یہ بھی پڑھیں