واشنگٹن : امریکاکامقبوضہ کشمیرمیں بھارتی ریاستی دہشت گردی اوراقوام متحدہ کی قراردادپر تبصرہ کرنےسےگریز،ترجمان امریکی محکمہ خارجہ کاکہناہےکہ پاکستان اوربھارت کو مل کرمسئلہ حل کرناہے.
تفصیلات کے مطابق واشنگٹن میں نیوزبریفنگ کےدوران امریکی محکمہ خارجہ کے ترجمان مارک ٹونر کاکہناتھاکہ کشمیرپرامریکاکی آج بھی وہی پالیسی ہے جو پہلےتھی،کشمیر کامسئلہ پاکستان اور بھارت نے ملکرحل کرناہے.
مارک ٹونر نے کشمیریوں کی ہلاکت پر مذمت کرنےسےگریز کیا،مارک ٹونرنےکشمیر سےمتعلق اقوام متحدہ کی قرارداد پر تبصرہ کرنےسےگریزکیا.
امریکی محکمہ خارجہ کے ترجمان مارک ٹونر کا افغانستان میں دہشت گردعمرنرےکی ہلاکت پر کہنا تھا کہ دہشت گردی کےخلاف جنگ میں یہ اہم کامیابی ہے.
مارک ٹونر کاکہناتھاکہ پاکستان کی دہشت گردوں کےخلاف کارروائیوں کو مثبت نگاہ سےدیکھتےہیں،انہوں نے اعتراف کیاکہ دہشت گردی سےپاکستان ناقابل تلافی نقصانات اٹھاچکاہے.
امریکی محکمہ خارجہ کےترجمان مارک ٹونر نے آرمی چیف جنرل راحیل شریف کےدہشت گردی کےخلاف عزم کوقابل تحسین قراردیا.
