The news is by your side.

Advertisement

بھارت میں کشمیری مسلمان اور بھارتی مسلمان نشانے پر ہیں، وزیراعظم

اسلام آباد: وزیراعظم عمران خان کا کہنا ہے کہ بھارت میں کشمیری مسلمان اور بھارتی مسلمان نشانے پر ہیں۔

تفصیلات کے مطابق سماجی رابطے کی ویب سائٹ ٹویٹر پر وزیراعظم عمران خان نے اپنے پیغام میں کہا کہ دنیا کو بتاتا رہا مودی کا ہندوتوا نظریہ اقلیتوں کو نشانہ بنائےگا، بھارت میں کشمیری مسلمان اور بھارتی مسلمان نشانے پر ہیں۔

وزیراعظم نے کہا کہ اگر یہی صورت حال رہی تو بھارت میں دیگر اقلیتوں کو بھی نشانہ بنایا جائےگا، جو بھی فاشسٹ نظریے سے متفق نہ ہونے کی ہمت کرے گا تشدد کانشانہ ہوگا۔ انہوں نے کہا کہ عدم برداشت کا نظریہ دوسری اقلیتوں کو بھی اپنی لپیٹ میں لےگا۔

عمران خان نے کہا کہ بھارت میں دلت بھی اس نظریے کے نشانے پر ہیں، موثراقدامات کرنا ہوں گے ورنہ خطے کے باہر بھی اثرات نظر آئیں گے۔

بھارتی پولیس کی نگرانی میں مسلمانوں کے قتل عام سے شدت پسندی جنم لےگی،وزیراعظم

یاد رہے کہ گزشتہ ماہ وزیراعظم عمران خان کا کہنا تھا کہ بھارتی پولیس کی نگرانی میں مسلمانوں کے قتل عام سےشدت پسندی جنم لےگی، بھارت کی ریاستی دہشت گردی کا مقصد 20 کروڑ مسلمانوں کو کشمیریوں کی طرح مشتعل کرنا ہے۔

fb-share-icon0
Tweet 20

Comments

comments

یہ بھی پڑھیں