اسلام آباد: وزیر خارجہ شاہ محمود قریشی نے کہا ہے کہ کشمیر کے بہادر عوام کے لیے ہماری حمایت اٹل ہے۔
تفصیلات کے مطابق وزیر خارجہ شاہ محمود قریشی نے سماجی رابطے کی ویب سائٹ ٹویٹر پر اپنے پیغام میں کہا ہے کہ کشمیریوں کو خاموش نہیں کرایا جاسکتا، پاکستان ہمیشہ اپنے کشمیری بھائیوں کے لیے آواز اٹھائے گا۔
انہوں نے کہا کہ پاکستان کشمیریوں کے حق خود ارادیت کے لیے جدوجہد جاری رکھے گا، کشمیر کی آزادی کی خواہش رکھنے والوں کو کچلا نہیں جاسکتا۔
Kashmir will not be silenced. Pakistan will always speak for its Kashmiri brethren. Our support for the valiant people of Kashmir is unwavering. Pakistan will continue to fight for Kashmir’s right to self determination in accordance with UN Security Council resolutions. https://t.co/AtVbYscuFi pic.twitter.com/jTewB86bi1
— Shah Mahmood Qureshi (@SMQureshiPTI) February 6, 2020
وزیر خارجہ شاہ محمود قریشی نے کہا کہ 72 سال کے ظلم سے جذبہ نہیں ٹوٹا تو 6 ماہ کا کرفیو کیا کرسکتا ہے۔
خیال رہے 5 اگست کے بعد سے مقبوضہ کشمیرمیں لاک ڈاؤن برقرار ہے، شدیدسردی میں کشمیری دواؤں، کھانے پینے کی اشیا کے بحران کا شکار ہے جبکہ تعلیمی ادارے، کاروباری مراکز بند ہے اور انٹرنیٹ، موبائل سروس بدستور معطل ہے۔
مقبوضہ کشمیر کے بیشتر علاقوں میں بھارتی فوجی نام نہاد سرچ آپریشن کی آڑ میں گھروں میں گھس کرخواتین کو ہراساں اور نوجوانوں کو گرفتارکررہے ہیں جبکہ کرفیو اور پابندیوں کے باعث اب تک مقامی معیشت کو اربوں ڈالر کا نقصان ہوچکا ہے جبکہ ہزاروں لوگ بے روزگار ہوچکے ہیں۔
