The news is by your side.

Advertisement

کشمیری اپنی جدوجہد کو منطقی انجام تک پہنچائیں گے: صدر مملکت

اسلام آباد: صدر مملکت ڈاکٹر عارف علوی نے کہا ہے کہ کشمیری اپنے حق خودارادیت کے لیے جدوجہد کو منطقی انجام تک پہنچائیں گے، امریکی جریدے میں خاکوں سے بھارت کے کشمیریوں پر مظالم کو بےنقاب کیا گیا۔

تفصلات کے مطابق ملک کے صدر ڈاکٹر عارف علوی نے سماجی رابطے کی ویب سائٹ ٹوئٹر پر ٹوئٹ کیا کہ بھارت گزشتہ 3 دہائیوں سے مظلوم کشمیریوں پر ظلم ڈھارہا ہے، مقبوضہ کشمیر میں بھارت کا طویل ترین لاک ڈاؤن جاری ہے۔

انہوں نے کہا کہ 3عشروں سے کرفیو اور ہڑتالوں سے کشمیریوں کی زندگی اجیرن ہوگئی ہے۔

صدر نے مقبوضہ کشمیر کی صورت حال اجاگر کرنے کے لیے امریکی جریدے نیویارک ٹائمز کی جانب سے شایع کی گئیں تصویری خاکوں کی تعریف۔ صدرمملکت نے خاکے کو فن کے ذریعے اظہار رائے کی شاندار مثال قرار دیا۔

خیال رہے کہ کرونا وبا کے باوجود مقبوضہ کشمیر میں انٹرنیٹ اور ٹیلی فون کی بندش جاری ہے۔ کرونا کے تناظر میں بھارتی اقدامات کے باعث لاکھوں مزدور بےروزگار ہوگئے ہیں۔

علاوہ ازیں وادی میں ریاستی دہشت گردی بھی جاری ہے، یکم جنوری سے اب تک متعدد کشمیری شہید کیے جاچکے ہیں۔ مودی اپنے تمام ناپاک عزائم استعمال کرکے بھی کشمیریوں کی جدوجہد آزادی نہیں روک سکا۔

Comments

یہ بھی پڑھیں