site
stats
پاکستان

قصور میں پولیس مقابلہ،3ڈاکو ہلاک

قصور: صوبہ پنجاب کے شہر قصور میں پولیس کی کارروائی میں تین ڈاکو ہلاک جبکہ تین فرار ہونے میں کامیاب ہوگئے۔

تفصیلات کےمطابق ڈاکو قصور کے علاقےگنڈاسنگ میں واردات کر کے واپس آرہے تھے۔پولیس نے رکنے کا اشارہ کیا تو ملزمان نے فائرنگ شروع کردی۔

پولیس کی جوابی فائرنگ میں تین ڈاکو ہلاک ہوگئےجن کی شناخت فاروق،حیدر اورصفدر کے نام ہوئی۔پولیس حکام کے مطابق تینوں ڈاکووں نےچند روز قبل ڈکیتی میں مزاحمت پر ایک شخص کو قتل کیا تھا۔

ڈی پی او علی ناصر کا کہنا تھا کہ تینوں ڈاکووں سنگین وارداتوں میں پولیس کو مطلوب تھے۔انہوں نے کہا کہ دیگر3مفرور ڈاکووں کی گرفتاری کے لیے چھاپے مارے جارہے ہیں۔

مزید پڑھیں:اسٹیج اداکارہ قسمت بیگ دم توڑ گئیں

یاد رہے کہ گزشتہ روز لاہور کے علاقے ہربنس پورہ کے قریب نامعلوم افراد کی فائرنگ سے زخمی ہونے والی اسٹیج اداکارہ قسمت بیگ اسپتال میں دوران علاج دم توڑ گئیں تھی۔

مزید پڑھیں: لاہور میں فائرنگ،سائنس کالج کے پروفیسر جاں بحق

اس سے قبل رواں ماہ 15 نومبر کوپنجاب کے دارالحکومت لاہور میں سائنس کالج کے پروفیسر راؤ الطاف کو فائرنگ کرکے قتل کردیا گیاتھا۔

واضح رہےکہ گزشتہ ڈیڑھ ماہ کے دوران صرف پنجاب کے دارالحکومت لاہور میں فائرنگ اور ڈکیٹی کی مختلف واردات میں 45افراد جان کی بازی ہارچکے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top