قصور: قصور ویڈیو اسکینڈل میں تہلکہ خیز انکشافات کا سلسلہ جاری ہے، مرکزی ملزم حسیم عامر کے چچا نے بھی واقعے کی تصدیق کردی ہے۔
قصور میں معصوم بچوں کے ساتھ زیادتی کے واقعات نے ہر کسی کو ہلا کر رکھ دیا ہے، پولیس اور انتظامیہ نے معاملے کو دبانے کی کوشش کیں مگر انہیں اے آر وانی نیوز نے ناکام بنا دیا۔
سانحہ ویڈیو اسکینڈل میں ملوث سات ملزمان میں شامل حسیم عامر کے چچا نے بھی سانحہ قصور کی تصدیق کردی ہے، ملزم حسیم عامر کے چچا سلیم نے اعتراف کیا کہ ان کا بھتیجا اس گھناؤنے فعل میں ملوث ہے۔
واقعے میں ملوث حسیم عامر، عثمان ، سلیم ، نیسم، آصف سمیت سات ملزمان اب تک گرفتار ہوچکے ہیں ۔
وزیر اعلیٰ پنجاب نے قصور ویڈیو اسکینڈل کی جوڈیشل انکوائری کرانے کا اعلان کیا ہے، آئی جی پنجاب کا کہنا ہے کہ جلد حقائق تک پہنچ جائیں گے، وزیراعظم نوازشریف نے بھی اے آر وائی نیوز کی خبر کا نوٹس لے لیا ہے ، وزیرِاعظم کا کہنا ہے کہ ملزمان سے کوئی رعایت نہیں برتی جائے گی اور انہیں قانون کے مطابق سخت سزائیں دی جائیں گی۔
