The news is by your side.

Advertisement

نوبیاہتا جوڑے کی شادی کی پہلی رات پراسرارہلاکت

قصور: نو بیاہتا جوڑا شادی کی پہلی رات پراسرارطورپرمردہ پایا گیا۔

تفصیلات کے مطابق قصور کے علاقے مہرچند والا میں نو بیاہتا جوڑا پراسرار طور پراپنے کمرے میں مردہ پایا گیا۔ پولیس نے خدشہ ظاہر کیا ہے کہ دولہا دلہن کی ہلاکت زہریلا دودھ پینے سے ہوئی ہے۔

کنگن پورکے نواحی گاؤں مہر چند والا کے رہائشی غلام حیدر کی شادی گذشتہ روز اپنی خالہ زاد اللہ معافی کے ساتھ ہوئی، بارات منچن آباد بہاولنگر گئی تھی۔ بارات کی واپسی پر مختلف رسومات ادا کی گئیں۔

اگلی صبح نوبیاہتا جوڑا اپنے کمرے میں پراسرار طور پر مردہ پایا گیا۔ اہل خانہ نے چھت پھاڑ کر دولہا دلہن کی لاشیں نکالیں۔

خوشیوں بھرا گھر ماتم کدے میں بدل گیا، پولیس نے خدشہ ظاہرکیا ہے کہ زہریلا دودھ پینے سے دولہا دلہن کی ہلاکت ہوئی ہے۔ دونوں لاشیں تھانہ کنگن پور میں پڑی ہیں جبکہ اہل خانہ پوسٹ مارٹم نہیں کرانا چاہتے۔

 

Print Friendly, PDF & Email

Comments

comments

یہ بھی پڑھیں