site
stats
پاکستان

قصورویڈیواسکینڈل : دوملزمان کوعمر قید اورجرمانے کی کی سزا

لاہور : قصور ویڈیو اسکینڈل کیس میں انسداد دہشت گردی کی خصوصی عدالت نے دو ملزمان کو عمر قید اور جرمانے کی کی سزا سنادی۔

تفصیلات کے مطابق قصور ویڈیو اسکینڈل کیس کا فیصلہ انسداد دہشت گردی کی خصوصی عدالت کے جج چوہدری الیاس کی عدالت نے سنایا۔

انسداد دہشت گردی کی خصوصی عدالت نے شواہد اور گواہان کے بیانات کے بعد جرم ثابت ہونے پرقصور ویڈیو اسکینڈل کیس کے مرکزی ملزمان حسیم عامر اور فیضان مجید کو عمر قید اور تین تین لاکھ روپے جرمانے کی سزا سنائی۔

واضح رہے کہ قصور ویڈ یو اسکینڈل کیس میں کئی کمسن بچوں کو جنسی تشدد کا نشانہ بنا کر ملزمان نے متا ثرہ بچوں کی قابل اعتراض ویڈیوز بنائیں تھیں جس کا مقدمہ قصور کے تھانہ گنڈا سنگھ میں میں بلیک میلنگ ،بدفعلی اور بھتہ خوری کے الزامات پر درج کرایا گیا تھا۔

یاد رہے کہ قصور میں ملک کے سب سے بڑا بچوں سے زیادتی کا گھناؤنہ اسکینڈل سامنے آنے کے بعد اس کو زمین کے تنازعہ کے معاملے کا رنگ دینے کی کوشش کی جاتی رہی لیکن قصور کے رہائشیوں نے حکومت کے اس دعویٰ کو مسترد کردیا کہ بچوں سے زیادتی اسکینڈل کا تعلق کسی زمینی تنازعہ سے ہیں۔

بچوں کے ساتھ بدفعلی کی ویڈیو منظرعام پر آنے کے بعد پولیس کی جانب سے کارروائی کی گئی تھی۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top