لندن: برطانوی شہزادہ ولیم کی اہلیہ کیٹ مڈلٹن ملکہ برطانیہ الزبتھ کے نقش قدم پر چلنے لگیں۔
غیرملکی خبررساں ادارے کے مطابق ملکہ برطانیہ نے بیٹے کی جگہ پوتے شہزادہ ولیم کو بادشاہ نامزد کیا تھا جس کے بعد ان کی اہلیہ کیٹ مڈلٹن نئی ملکہ بن جائیں گی۔
روایات کی پاسداری کرنے اور ملکہ بننے کی تیاری کیٹ مڈلٹن نے ابھی سے ہی شروع کردی ہے، 37 سالہ کیٹ نے اپنا پہننے اوڑھنے کا اسٹائل تبدیل کردیا ہے۔
ڈچز آف کیمبرج کیٹ مڈلٹن نے رائل رول بک کا مطالعہ شروع کردیا ہے، حال ہی میں کیٹ مڈلٹن ملکہ برطانیہ کے ساتھ ایک تقریب میں شریک ہوئیں جس میں انہوں نے ملکہ برطانیہ کی طرح گرے رنگ کا کیتھرین واکر کوٹ اور بلیک ٹائٹس زیب تن کیا اور سر پر بلیک رنگ کا ہیٹ بھی پہنا ہوا تھا۔
مزید پڑھیں: ملکہ برطانیہ نے بیٹے کی جگہ پوتے کو بادشاہ نامزد کردیا
برطانیہ کی مستقبل کی ملکہ کیٹ مڈلٹن رائل فیملی کی قانون پر عمل درآمد شروع کردیا ہے۔
واضح رہے کہ اس سے قبل کیٹ مڈلٹن اپنے نارمل ڈریس میں نظر آتی تھیں، سینٹ پیٹرک ڈے پریڈ میں کیٹ مڈلٹن نے نیلے رنگ کا لباس زیب تن کیا تھا۔
میل آن لائن کی رپورٹ کے مطابق کیٹ مڈلٹن ملکہ برطانیہ جیسا لباس زیب تن کرکے زیادہ جاذب نظر دکھائی دے رہی تھیں۔
تصاویر میں دیکھا جاسکتا ہے کہ کیٹ مڈلٹن گاڑی کے اندر بیٹھی مسکرا رہی ہیں جبکہ ملکہ برطانیہ بھی مداحوں کو ہاتھ ہلا کر جواب دے رہی ہیں، پرانی تصویر میں دیکھا جاسکتا ہے کہ کیٹ مڈلٹن اپنے روایتی فیشن ایبل لباس میں موجود ہیں۔
