تازہ ترین

حکومت کا ججز کے خط پر انکوائری کمیشن بنانے کا اعلان

اسلام آباد: وفاقی حکومت نے اسلام آباد ہائی کورٹ...

فوجی عدالتوں سے 15 سے 20 ملزمان کے رہا ہونے کا امکان

اسلام آباد : اٹارنی جنرل نے فوجی عدالتوں سے...

کترینہ کیف نے ٹیچر رکھ لیا

بالی ووڈ اداکارہ کترینہ کیف نے وکی کوشل سے شادی قبل پنجابی سیکھنے کے لیے ٹیچر کی خدمات حاصل کرلیں۔

بھارتی اداکارہ کترینہ کیف رواں ماہ اداکار وکی کوشل کے ساتھ شادی کے بندھن میں بندھ جائیں گی جس کی تیاریاں زور و شور سے جاری ہیں۔

کترینہ جہاں اپنے ملبوسات اور زیورات کی تیاریاں کررہی ہیں تو وہیں ان کے لیے سب سے اہم کام پنجابی سیکھنا ہے جس کے لیے انہوں نے ٹیچر بھی رکھ لیا۔

بھارتی میڈیا کے مطابق کترینہ کیف نے وکی کوشل کے ساتھ شادی کرنے سے پہلے پنجابی زبان سیکھنے کے لیے ایک پرائیویٹ ٹیوٹر کی خدمات حاصل کی ہیں کیونکہ ان کے ہونے والے شوہر وکی کی فیملی کا تعلق پنجابی گھرانے سے ہے۔

مزید پڑھیں: کترینہ کی شادی میں‌ تصویر لینے پر شوٹ کر دیا جائے گا

واضح رہے کہ کترینہ کیف دسمبر کی 9 تاریخ کو راجستھان کے ایک پُر تعیش فورٹ میں اداکار وکی کوشل کے ساتھ شادی کے بندھن میں بندھ جائیں گی۔

جوڑی کی مہندی اور سنگیت کی رسمیں دسمبر کی 7 اور 8 تاریخ کو ہونا طے پائی ہیں۔

دوسری جانب وکی اور کترینہ شادی کو خفیہ رکھنے کی پوری کوشش کر رہے ہیں، اس حوالے سے بھارتی میڈیا نے بتایا کہ ’شادی میں مہمانوں کو داخلے کے لیے ایک خفیہ کوڈ دیا جائے گا جبکہ مہمانوں کو موبائل فون لانے کی اجازت نہیں ہوگی تاکہ کوئی تصویر یا ویڈیو لیک نہ ہوں۔

Comments

- Advertisement -