مزیدار قیمے کی کچوریاں تیار کریں -
The news is by your side.

Advertisement

مزیدار قیمے کی کچوریاں تیار کریں

کچوریاں ایسی شے ہے جو عموماً سب ہی کو پسند ہوتی ہیں۔ آپ انہیں گھر میں بھی نہایت آسانی سے تیار کرسکتے ہیں۔


اجزا

قیمہ: آدھا کلو

نمک: حسب ذائقہ

ادرک لہسن پسا ہوا: 1 کھانے کا چمچ

پیاز کٹی ہوئی: 2 عدد درمیانی

لال مرچ پسی ہوئی: 1 چائے کا چمچ

ثابت دھنیہ: 1 کھانے کا چمچ

کالی مرچ پسی ہوئی: آدھا چائے کا چمچ

سفید زیرہ: 1 چائے کا چمچ

ہری مرچیں باریک کٹی ہوئی: 3 سے 4 عدد

ہرا دھنیہ: 1 ایک گٹھی

لیموں کا رس: 2 کھانے کے چمچ

میدہ: 1 کلو

میٹھا سوڈا: 1 چائے کا چمچ

اجوائن: آدھا چائے کا چمچ

گھی: حسب ضرورت


ترکیب

میدہ میں نمک٬ میٹھا سوڈا٬ اجوائن اور 4 کھانے کے چمچ گھی ڈال کر 8 سے 10 منٹ تک اچھی طرح گوندھیں۔ گوندھنے کے بعد ململ کے گیلے کپڑے میں لپیٹ کر 10 سے 15 منٹ کے لیے رکھ دیں۔

دیگچی میں ایک کھانے کا چمچ گھی درمیانی آنچ پر 2 سے 3 منٹ تک گرم کریں۔

قیمہ٬ ادرک لہسن٬ کالی مرچ اور لال مرچ ڈال کر اتنی دیر پکائیں کہ قیمے کا اپنا پانی خشک ہو جائے۔

اب ثابت دھنیہ اور زیرہ ڈال کر 2 سے 3 منٹ بھون لیں۔

چولہے سے اتار کر اس میں پیاز٬ ہری مرچیں٬ ہرا دھنیہ اور لیموں کا رس ملا لیں اور ٹھنڈا ہونے کے لیے رکھ دیں۔

کچوریوں کے لیے آٹے کے پیڑے بنا لیں اور ہاتھ کو گیلا کر کے پیڑے کو ذرا سا پھیلا لیں۔

ہر پیڑے میں ایک ایک چمچ قیمہ بھر کر پیڑے کو اچھی طرح بند کریں اور 10 سے 15 منٹ کے لیے فریج میں رکھ دیں۔

کڑاہی میں گھی کو درمیانی آنچ پر 3 سے 5 منٹ گرم کریں۔ دوبارہ ہاتھ کو گیلا کر کے پیڑے کو ہتھیلی پر رکھ کر ہلکا سا دبائیں۔ گرم گھی میں سنہرا ہونے تک ڈیپ فرائی کریں۔

کچوریوں کو ٹشو پیپر یا خاکی کاغذ پر نکال لیں۔

چٹنی کے ساتھ گرما گرم پیش کریں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں