نیروبی : کرونا سے مرنے والے گلوکار کے مداحوں نے آخری رسومات میں شرکت کی اجازت نہ ملنے پر قبر کو کھود کر جسد خاکی باہر نکال لیا۔
غیر ملکی خبر رساں ادارے کی رپورٹ کے مطابق کبھی مداحوں کی فنکار سے اس قدر والہانہ کا محبت کا واقعہ کبھی سنا ہے کہ پرستاروں نے اپنی ہر دل عزیز شخصیت کی قبر کھود کر جسد خاکی ہی باہر نکال لیا ہو۔
جی ہاں مشرقی افریقی ملک کینیا میں یہ حیران کن واقعہ پیش آیا جہاں ایک 33 سالہ گلوکار ممکنہ طور پر کرونا وائرس کے باعث انتقال کرگیا تو اس کی آخری رسومات میں عام والوں کو شرکت کی اجازت نہ دی گئی تاکہ کرونا کو پھیلنے سے روکا جاسکے۔
ابینے جاچیکا نامی گلوکار کے پرستار جاچیگا سے اس قدر محبت کرتے تھے کہ آخری رسومات عقیدت و احترام سے ادا کرنے کی خاطر ہزاروں کی تعداد میں قبرستان پہنچ گئے۔
قبرستان میں تعینات پولیس کی بھاری بھی نفری مداحوں کو قبرستان میں داخل ہونے سے روکنے کےلیے لاٹھی چارج اور آنسو گیس کے شیل بھی فائر تاہم مداحوں کو روکنے میں ناکام رہے۔
مداحوں نے قبرستان میں داخل ہوکر گلوکار کی قبر کشائی کی اور تابوت لے کر بھاگ گئے۔ پرستاروں کا کہنا ہے کہ وہ اپنے ہردل عزیز گلوکار کی آخری رسومات پورے عقیدت و احترام سے ادا کرنا چاہتے ہیں۔
