اسلام آباد(16 مئی 2026): حکومت نے پیٹرول اور ڈیزل کی قیمتوں میں کمی کے بعد مٹی کے تیل کی قیمت میں بھی نمایاں کمی کر دی ہے۔
آئل اینڈ گیس ریگولیٹری اتھارٹی (اوگرا) کی جانب سے مٹی کے تیل کی قیمتوں میں کمی کا باقاعدہ نوٹیفکیشن جاری کر دیا گیا ہے۔ نوٹیفکیشن کے مطابق مٹی کے تیل کی قیمت میں 7 روپے 23 پیسے فی لیٹر کی کمی کی گئی ہے۔
قیمت میں اس کمی کے بعد مٹی کے تیل کی نئی قیمت 311 روپے 73 پیسے فی لیٹر مقرر کر دی گئی ہے۔ نوٹیفکیشن کے بعد نئی قیمتوں کا اطلاق فوری طور پر کر دیا گیا ہے جس سے عوام کو پیٹرولیم مصنوعات کی قیمتوں میں مزید ریلیف ملے گا۔
گزشتہ روز حکومت نے پیٹرول اور ڈیزل کی قیمت میں 5 روپے فی لیٹر کمی کا اعلان کیا تھا، پیٹرولیم ڈویژن نے پیٹرولیم مصنوعات کی قیمتوں میں کمی کا نوٹیفکیشن بھی جاری کیا تھا۔
جاری کیے جانے والے نوٹیفکیشن کے مطابق پیٹرول 5 روپے کم ہو کر 409.78 روپے فی لیٹر ہوگیا، جبکہ ڈیزل کی قیمت کم ہو کر 409.58 روپے فی لیٹر ہوگئی۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں