سالن تیار کرنا ایک وقت طلب مرحلہ ہوتا ہے تاہم آج ہم آپ کو ایک ایسی مزیدار ڈش بنانے کی ترکیب بتا رہے ہیں جو 10 منٹ میں نہایت کم اجزا سے تیار ہوسکتی ہے۔
اے آر وائی ڈیجیٹل کے مارننگ شو گڈ مارننگ پاکستان میں مزیدار کیسری ہانڈی بنانے کی ترکیب بتائی گئی، اسے بنانے کے لیے مندرجہ ذیل اشیا کی ضرورت ہوگی۔
اجزا
بون لیس چکن: 500 گرام
زعفران ایسنس
زعفران (سجاوٹ کے لیے)
ہلدی پاؤڈر
نمک
پسی ہوئی لال مرچ
مکھن
کیسری ہانڈی کی خاص بات یہ ہے کہ نہ اس کے لیے ڈھیروں ڈھیر پیاز کٹتی ہے نہ ہی اسے پکانے میں وقت لگتا ہے۔
اسے بنانے کے لیے سب سے پہلے چکن کو مکھن میں فرائی کرلیں، چکن کا رنگ سنہرا ہوجائے تو تمام مصالحے اس کے اندر مکس کرلیں اور تھوڑا سا اور پکائیں۔
اس کا رنگ تبدیل ہونے پر گرما گرم نکال کر سرو کریں، اسے ہانڈی میں سرو کرنا دستر خوان کی رونق میں اضافہ کرسکتا ہے۔
Comments
- Advertisement -