The news is by your side.

Advertisement

خدیجہ حملہ کیس ، مجرم کی سزا کیخلاف نظرثانی درخواست سماعت کیلئے مقرر

اسلام آباد : سپریم کورٹ میں چیف جسٹس آصف کھوسہ  کی سربراہی میں 3رکنی بینچ خدیجہ حملہ کیس کے مجرم شاہ حسین کی سزا کیخلاف نظرثانی درخواست پر 8 اگست کو سماعت کرے گا۔

تفصیلات کے مطابق سپریم کورٹ نے خدیجہ حملہ کیس کے مجرم شاہ حسین کی سزا کیخلاف نظرثانی درخواست سماعت کیلئے مقرر کردی ، چیف جسٹس کی سربراہی میں 3رکنی بینچ 8 اگست کوسماعت کرے گا۔

یاد رہے خدیجہ صدیقی حملہ کیس میں سپریم کورٹ نے ہائی کورٹ کافیصلہ کالعدم قرار دیتے ہوئے ملزم شاہ حسین کوگرفتارکرنے کا حکم دیتے ہوئے 5 سال قیدکی سزا کافیصلہ برقرار رکھا، چیف جسٹس نے ریمارکس دیئے ہم ریکارڈکےمطابق فیصلہ کریں گے ۔

مزید پڑھیں : خدیجہ صدیقی حملہ کیس: سپریم کورٹ کا ملزم شاہ حسین کوگرفتار کرنے کا حکم، 5سال قید کی سزا کافیصلہ برقرار

شاہ حسین کوسزابحال ہونے پر سپریم کورٹ سےگرفتارکیاگیا تھا، شاہ حسین پر ساتھی طالبہ خدیجہ صدیقی پرقاتلانہ حملے کا الزام تھا۔

واضح رہے مئی 2016 میں قانون کی طالبہ خدیجہ صدیقی پر شاہ حسین نے خنجر کے 23 وار کیے تھے، جس سے وہ شدید زخمی ہوگئیں تھیں۔جس کے بعد سابق چیف جسٹس کے حکم پر جوڈیشل مجسٹریٹ مبشرحسین نے ایک ماہ میں اس کیس کا فیصلہ سناتے ہوئے مجرم کو سات سال قید کی سزا سنائی تھی۔

بعد ازاں ملزم شاہ حسین نے مجسٹریٹ کورٹ سے سنائی جانے والی سزا کے خلاف سیشن کورٹ میں اپیل دائر کی تھی، شاہ حسین کی درخواست پرسیشن کورٹ نے مجسٹریٹ کورٹ کی جانب سے دی گئی 7 سال کی سزا کم کرکے 5 سال کردی تھی، جبکہ خدیجہ صدیقی کیس کے ملزم شاہ حسین کو لاہور ہائی کورٹ نے رہا کرنے کا حکم دیا تھا۔

جس پر سابق چیف جسٹس میاں ثاقب نثار نے ازخود نوٹس لیا تھا۔

خیال رہے خدیجہ صدیقی نے برطانوی یونیورسٹی سے وکالت کی اعلیٰ تعلیم مکمل کرلی اور اب وہ بیرسٹر بن گئیں ہیں۔

Comments

comments

یہ بھی پڑھیں