site
stats
سندھ

خیرپور: 15کلو وزنی بم بنانے والا بارود برآمد، 2 ملزمان گرفتار

خیرپور: رینجرز اور پولیس نے خفیہ اطلاع پر بروقت کارروائی کرکے ایک گھر سے 15 کلو وزنی بم بنانے والا بارود برآمد کرکے 2 مشکوک افراد کو گرفتار کرلیا۔

ایس ایس پی خیرپور نے پریس کانفرنس کرتے ہوئے بتایا کہ خیرپور ایک بہت بڑی تباہی سے بچ گیا ہے، خیرپور میں پولیس اور رینجرز نے ایک گھر پر چھاپہ مارکر خیرپور کو ایک بہٹ بڑی تباہی سے بچالیا، سرائی گھنور خان محلے میں خفیہ اطلاع پر بارودی مواد برآمد کرلیا۔

ایس ایس پی خیرپور اظفر مہیسر نے پولیس لائن میں پریس کانفرنس کرتے ہوئے کہا کہ ون فائیو پر کال کرکے بتایا گیا کہ ایک گھر میں ایک مشکوک تھیلہ موجود ہے جس پر پہلے پولیس نے پہنچ کربم اسکوڈ عملے کو طلب کیا اور بعد میں رینجرز بھی جائے وقوعہ پر پہنچ گئی۔

مشکوک بیگ کو کھولا گیا تو اس میں بم بنانے کا سامان موجود تھا جس کا وزن تقریباً 15 کلو ہے، ایس ایس پی کا کہنا تھا کہ عوام کے تعاون کے بغیر دہشت گردی یا جرائم کا خاتمہ ناممکن ہے، انہوں نے کہا کہ پاکستان میں دہشت گردی کرانے میں بیرونی ہاتھ ملوث ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top