تازہ ترین

علی امین گنڈاپور وفاق سے روابط ختم کر دیں، اسد قیصر

اسلام آباد: رہنما پاکستان تحریک انصاف اسد قیصر نے...

وزیراعظم شہبازشریف کو امریکی صدر جو بائیڈن کا خط، نیک تمناؤں کا اظہار

واشنگٹن: امریکی صدر جو بائیڈن نے وزیر اعظم شہباز...

بابر اعظم کو دوبارہ قومی ٹیم کا کپتان بنانے کا فیصلہ ہو گیا

پاکستان کرکٹ بورڈ نے بابر اعظم کو ایک بار...

چین پاکستان معاہدوں کے حوالے سے آئی ایم ایف کا اہم بیان

عالمی مالیاتی ادارے کا کہنا ہے کہ چین پاکستان...

خیرپور: اولڈ نیشنل ہائی وے پر دلخراش حادثہ، 12 افراد جاں بحق

خیرپور: صوبہ سندھ کے ضلع خیرپور میں مسافر بس اور وین کے درمیان ہونے والے ہولناک تصادم کے نتیجے میں بارہ افراد جاں بحق جبکہ متعدد زخمی ہوگئے ہیں۔

پولیس ذرائع کے مطابق حادثہ اولڈ نیشنل ہائی وے پر اس وقت پیش آیا جب مسافر بس اور وین تیز رفتاری کے باعث آپس میں ٹکراگئی، دلخراش حادثے کے نتیجے میں بارہ افراد جاں بحق جبکہ متعدد زخمی ہوگئے۔

پولیس ذرائع کے مطابق حادثہ اتنا شدید تھا کہ گاڑی میں سوار افراد متاثرہ گاڑیوں میں پھنس گئے،  جائے وقوعہ پر موجود افراد نے اپنی مدد آپ کے تحت  متعدد زخمیوں اور لاشوں کو کوچ اور وین کی باڈی کاٹ کر نکالا   اور سول اسپتال خیر پور منتقل کیا۔

یہ بھی پڑھیں: خیرپور میں ہولناک ٹریفک حادثہ، 20 افراد جاں بحق

پولیس کے مطابق حادثے کے متعدد زخمیوں کی حالت تشویشناک ہے، جس کے باعث ہلاکتوں میں اضافے کا خدشہ ہے، دلخراش واقعے کے بعد سول اسپتال خیرپور میں ایمرجنسی نافذ کردی گئی ہے، تصادم کا شکار ہونے والی مسافر وین خیرپور سے ٹھری میر واہ جارہی تھی۔

یاد رہے کہ سال دوہزار تیرہ میں مسافروں سے بھری بس وادی سوات سے کراچی جارہی تھی کہ خیرپور کے قریب ٹھیڑی بائی پاس پر مخالف سمت سے آنے والے ٹریلر سے ٹکرا گئی تھی، اس حادثے کے نتیجے میں 68 افراد جاں بحق ہو گئے تھے، جاں بحق ہونے والوں میں 22 خواتین ، 18 بچے اور 18 مرد شامل تھے جبکہ کئی لاشیں ناقابل شناخت بھی تھیں۔

وزیرٹرانسپورٹ سندھ کا اظہار افسوس، رپورٹ طلب

خیرپور نیشنل ہائی وے پر ہونے والے المناک ٹریفک حادثے کے باعث قیمتی جانوں کے ضیاع پر وزیر ٹرانسپورٹ سندھ اویس قادر شاہ افسوس کا اظہار کرتے ہوئے فوری طور پر متعلقہ حکام سے رپورٹ طلب کرلی ہے۔

اویس قادر شاہ نے اپنے بیان میں حادثےمیں زخمی مسافروں کو فوری طبی سہولیات فراہم کرنے کی ہدایت کی اور حادثےمیں ڈرائیورز کی غفلت پر سنگین کارروائی کی ہدایت جاری کی۔

بلاول بھٹو کا اظہار افسوس

چیئرمین پاکستان پیپلز پارٹی بلاول بھٹو نے بھی خیرپورکے قریب ٹریفک حادثے میں انسانی جانوں کے ضیاع پر رنج وغم کا اظہار کیا ہے، اپنے بیان میں بلاول بھٹو نے کہا کہ افسوسناک حادثےمیں قیمتی جانوں کا ضیاع باعث صدمہ ہے، پارٹی عہدیداران وکارکنان غمزدہ خاندانوں کاغم بانٹنےکیلئےآگےبڑھیں۔

چیئرمین پی پی پی نے کہا کہ حادثے کے زخمیوں کے بہتر علاج معالجےکویقینی بنایا جائےاور حادثات کی روک تھام کیلئےجلد اور موثراقدام اٹھایا جائے۔

Comments

- Advertisement -