The news is by your side.

Advertisement

عدالتی فیصلے سے جذبات مجروح ہوئے، کل کراچی سے ریلیاں نکلیں گی، خالد مقبول صدیقی

کراچی : ایم کیو ایم پاکستان کے کنوینئر ڈاکٹرخالد مقبول صدیقی نے کہا ہے کہ غداری کیس میں پرویز مشرف کے خلاف فیصلے سے عوام کے جذبات مجروح ہوئے، کل پورے کراچی سے ریلیاں نکالی جائیں گی۔

یہ بات انہوں نے کراچی میں میڈیا سے گفتگو کرتے ہوئے کہی، انہوں نے کہا کہ پرویز مشرف نے پاکستان کی خدمت کی ہے، وہ پاکستان کے محسن ہیں۔

ڈاکٹر خالد مقبول صدیقی نے کہا کہ غداری کیس کے تفصیلی فیصلے میں جو زبان استعمال کی گئی وہ کسی طور بھی مناسب نہیں۔

پرویز مشرف کے خلاف فیصلے سے عوام کے جذبات مجروح ہوئے، ہم عدلیہ کیخلاف نہیں بلکہ فیصلے میں جو زبان استعمال کی گئی اس کیخلاف ہیں۔

وفاقی وزیر آئی ٹی کا کہنا تھا کہ کل کراچی کے عوام ثابت کریں گے کہ وہ محب وطن لوگوں کے ساتھ کھڑے ہیں، کل پورے کراچی سے پرویز مشرف کے حق میں ریلیاں نکالی جائیں گی۔

مزید پڑھیں : ایم کیو ایم پاکستان کا پرویز مشرف کے حق میں ریلی نکالنے کا اعلان

انہوں نے بتایا کہ کل تل دھرنے کی جگہ بھی نہیں ہوگی، کل پورا شہر باہر ہوگا، پرویز مشرف ضروراعلیٰ عدالتوں سے رجوع کریں گے۔

Comments

یہ بھی پڑھیں