The news is by your side.

Advertisement

خالد محبوب اقوام متحدہ کی فوڈ اینڈ ایگریکلچر آرگنائزیشن کونسل کے چئیرپرسن منتخب

نیویارک : پاکستان کو اقوام متحدہ کی خواراک و زراعت کی تنظیم کا آزادانہ چئیر پرسن منتخب کر لیا گیا، پاکستانی امیدوار کو اقوام متحدہ کی فوڈ اینڈ ایگریکلچر آرگنائزیشن کی کونسل کا 2017 سے 2019 تک کے لئے آزادانہ چئیرپرسن منتخب کر لیا گیا ہے۔

ترجمان دفتر خارجہ کی جاری پریس ریلیز کے مطابق پاکستانی امیدوار خالد محبوب کا انتخاب 7 جولائی کو روم میں ہونے والے انتخابات میں منتخب کیا گیا، پاکستانی امیدوار خالد محبوب کا انتخاب البانیہ، بوسنیا، قبرص ،سلواکیہ اور انڈونیشیا سمیت چھ ممالک کے امیدواروں میں سے کیا گیا۔

ترجمان دفتر خارجہ کے مطابق خالد محبوب نے انتخاب میں 64 ووٹوں کی واضح برتری سے کامیابی حاصل کی، خالد محبوب کے بعد دوسرے نمبر پر آنے والے امیدوار کو صرف 32 ووٹ ملے۔

خالد محبوب کا نجی شعبہ اور فوڈ اینڈ ایگریکلچر آرگنائزیشن میں 54 برس کا وسیع تجربہ ہے، وہ 2010 سے عالمی خوراک پروگرام، فوڈ اینڈ ایگریکلچر آرگنائزیشن اور آئی ایف اے ڈی میں مشیر اور پاکستان کے متبادل مستقل نمائندے کے طور پر کام کر رہے ہیں ۔

سال 2015 سے فی الوقت خالد محبوب فوڈ اینڈ ایگریکلچر آرگنائزیشن کی فنانس کمیٹی کے چئیر مین کے طور پر خدمات سرانجام دے رہے ہیں

ترجمان دفتر خارجہ کے مطابق یہ کامیاب انتخاب فوڈاینڈ ایگریکلچر آرگنائزیشن میں پاکستان کے کامیاب کردار کا عکاس ہے۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئر کریں۔

Print Friendly, PDF & Email

Comments

comments

یہ بھی پڑھیں