The news is by your side.

Advertisement

خالد محمود شیخ نے ایم ڈی واٹر بورڈ کے عہدے کا چارج سنبھال لیا

کراچی: خالد محمود شیخ نے ایم ڈی واٹر بورڈ کراچی کے عہدے کا چارج سنبھال لیا۔

تفصیلات کے مطابق خالد محمود شیخ نے ایم ڈی واٹر بورڈ کراچی کے عہدے کا چارج سنبھالتے ہی ریٹائرڈ ملازمین کو پنشن کی مد میں 30 کروڑ جاری کرنے کے احکامات جاری کر دیے۔

ایم ڈی واٹر بورڈ کا کہنا ہے کہ ملازمین کو فنڈز کی مد میں10 کروڑ پہلے آئیے پہلے پایئے کی بنیاد پر دیے جائیں گے،رقم کل صبح متعلقہ ملازمین کے اکاؤنٹس میں منتقل ہو جائےگی۔

سندھ حکومت نے ایم ڈی واٹر کو عہدے سے برطرف کردیا

یاد رہے کہ گزشتہ روز اسد اللہ خان سے ایم ڈی واٹر بورڈ کا اضافی چارج واپس لے لیا گیا تھا، ان کی جگہ خالد محمود شیخ کو منیجنگ ڈائریکٹر واٹر بورڈ مقرر کیا گیا تھا۔حکومت سندھ نے اس حوالے سے نوٹیفیکشن جاری کر دیا تھا۔

Comments

یہ بھی پڑھیں