The news is by your side.

Advertisement

فلسطینیوں کی مزاحمت کی تحریک کی حمایت کرنا مسلمانوں کا فرض ہے، خامنہ ای

تہران: ایران کے سپریم لیڈر آیت اللہ خامنہ ای کا کہنا ہے کہ فلسطینیوں کی مزاحمت کی تحریک کی حمایت کرنا مسلمانوں کا فرض ہے۔

ان خیالات کا اظہار انہوں نے سعودی ولی عہد کے اسرائیل سے متعلق بیان پر ردعمل دیتے ہوئے کیا، انہوں نے کہا کہ اسرائیل سے مذاکرات کی کوشش فلسطینیوں کی فتح کو پیچھے دھکیل دے گی۔

آیت اللہ خامنہ ای نے کہا کہ دھوکے باز اور جابر اسرائیل سے مذاکرات ناقابل معافی غلطی ہوگی، فلسطینیوں کی مزاحمت کی تحریک کی حمایت جاری رکھنا ہوگی۔

مزید پڑھیں: اسرائیلیوں کواپنی سرزمین کاحق حاصل ہے،شہزادہ محمدبن سلمان

واضح رہے کہ سعودی ولی عہد شہزادہ محمد بن سلمان کا کہنا ہے کہ اسرائیلیوں کو اپنی سرزمین کا حق حاصل ہے، استحکام کے لیے امن معاہدے کو یقینی بنانا ہوگا۔

شہزادہ محمد بن سلمان کا کہنا تھا کہ یروشلم اور مسجد القدس محفوظ ہو تو انہیں اسرائیلیوں اور فلسطینیوں کے ساتھ ساتھ رہنے پر کوئی مذہبی اعتراض نہیں ہے۔

سعودی ولی عہد کا مزید کہنا تھا کہ سعودی عرب اور فلسطین کے درمیان فی الحال کوئی سفارتی تعلقات مضبوط نہیں لیکن گزشتہ چند برسوں میں دونوں ممالک کے تعلقات میں بہتری آئی ہے، ہماری ترجیحات مشترکہ ہیں جیسا کہ دونوں ممالک ایران کو دشمن اور امریکہ کو اہم اتحادی سمجھتے ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں