خانیوال میں رشتہ نہ ہونے کی رنجش پر دلہن کو گولی مار دی گئی۔
اے آر وائی نیوز کے مطابق پولیس حکام کا کہنا ہے کہ پیرووال میں رشتہ نہ ہونے کی رنجش پر دلہن پر فائرنگ کی گئی جسے تشویشناک حالت میں اسپتال منتقل کردیا گیا ہے۔
پولیس کا کہنا ہے کہ ملزم نے فائرنگ کے بعد خود کو بھی زخمی کرلیا۔
تفتیشی حکام کے مطابق ملزم سرگودھا کا رہائشی ہے اور دلہن کا قریبی عزیز ہے جو اس سے شادی کرنا چاہتا تھا۔
یہ پڑھیں: شادی کے صرف 40 دن بعد دلہن شوہر کے ہاتھوں قتل
پولیس کا کہنا ہے کہ ملزم نے لڑکی کے سسرال میں جاکر فائرنگ کی۔
واضح رہے کہ چند روز قبل اوستہ محمد میں شادی کے محض 40 دن بعد 20 سالہ دلہن کو شوہر نے بھائیوں کے ساتھ مل کر بہیمانہ تشدد کا نشانہ بنانے کے بعد قتل کر دیا تھا۔
پولیس نے کارروائی کرتے ہوئے مقتولہ کے شوہر کو آلۂ قتل سمیت گرفتار کر لیا تھا۔
