شوبز انڈسٹری کے ابھرتے ہوئے اداکار خاقان شاہنواز اور سبینہ سید کے نکاح کا فوٹو شوٹ وائرل ہوگیا۔
فوٹو اور ویڈیو شیئرنگ ایپ انسٹاگرام پر اداکار خاقان شاہنواز نے نکاح کے فوٹو شوٹ کی تصاویر شیئر کیں اور کیپشن میں ’بسم اللہ‘ لکھا ہے۔
نکاح کے پرمسرت موقع پر سبینہ نے کریم کلر کا کڑھائی سے مزین عروسی لباس زیب تن کیا جبکہ خاقان نے بھی اسی مناسبت سے لباس کا انتخاب کیا۔
خاقان اور سبینہ کے نکاح کے موقع پر دوست اور قریبی عزیز بھی موجود ہیں۔
اداکاروں کو ساتھی فنکار کنزا ہاشمی، صبور علی اور حرا خان سمیت مداحوں نے بھی شادی کی مبارک باد دی ہے۔
View this post on Instagram
واضح رہے کہ خاقان شاہنواز کا ڈرامہ ’سزاور‘ ان دنوں اے آر وائی ڈیجیٹل پر نشر کیا جارہا ہے جس میں ان کے ساتھ علیشبا مرکزی کردار میں موجود ہیں۔
اے آر وائی نیوز کی ڈیجیٹل ڈیسک کی جانب سے شائع کی گئی خبریں