The news is by your side.

Advertisement

وزیردفاع خواجہ آصف کی عمران خان پر کڑی تنقید

سیالکوٹ : وزیردفاع خواجہ آصف نے عمران خان پر کڑی تنقید کرتے ہوئے کہا یہ ایجنڈے کے تحت مسلط کیا گیا اور پاکستان کو منصوبے کے تحت معاشی طور پر تباہ کیا گیا، اب سازش کے تحت آئینی اداروں پرحملہ ہورہا ہے۔

تفصیلات کے مطابق وزیر دفاع خواجہ آصف نے تقریب سے خطاب کرتے ہوئے کہا کہ معاشی سلامتی کے بغیر دفاعی سلامتی خطرے میں پر جاتی ہے، پاکستان کا معاشی مستقل گروی رکھا گیا لیکن ہم یہ زنجیریں توڑیں گے، پچھلی حکومت نے ادویات اور چینی سمیت ہرشعبہ میں پیسہ بنایا۔

خواجہ آصف نے عمران خان پر تنقید کرتے ہوئے کہا کہ اسلام آباد سے نکالا گیا پشاور میں پناہ لیکر بیٹھا ہے ، عمران خان آج بھی سرکاری خرچے پر چل رہا ہے اور خیبرپختونخوا حکومت کے وسائل اپنی ذات کےلیے استعمال کررہا ہے۔

وزیر دفاع کا کہنا تھا کہ عمران خان کی جیبیں خالی ہوتی ہیں دوسروں کی جیبوں میں ہاتھ ڈالتا ہے ، یہ ایجنڈے کےتحت مسلط کیاگیا اور پاکستان کو منصوبے کے تحت معاشی طورپرتباہ کیاگیا، اب سازش کے تحت آئینی اداروں پرحملہ ہورہا ہے۔

انھوں نے مزید کہا کہ ہمارے دور میں ایک دوسرے پر سیاسی اختلافات ہوتےرہےہیں، عمران خان نے نوجوان نسل کوجوتلقین کی اس پرافسوس ہے، انہوں نے شہبازشریف کو نہیں پاکستان کے لیڈر کو بلایا تھا۔

خواجہ آصف کا کہنا تھا کہ اگر کہتے ہو زیادتی ہوئی ہے تو لڑائی اسلام آباد اور پنجاب میں بیٹھ کر لڑو ، پشاور کیوں بھاگ گئے ، ان پر آزمائش کا وقت آیا تو انکی پارٹی نظر نہیں آئی۔

Comments

یہ بھی پڑھیں