The news is by your side.

Advertisement

پی ٹی آئی میں وہ لوگ شامل ہورہے ہیں، جو ہر الیکشن میں ضمیر بیچتے ہیں: خواجہ آصف

آخر میں عمران خان کے ارد گرد سیاسی ورکر نہیں، صرف پیسے والے لوگ ہوں گے

سیالکوٹ: مسلم لیگ ن کے سینئر رہنما خواجہ آصف نے کہا ہے کہ پی ٹی آئی میں موجودہ 155 ٹکٹ ہولڈر دیگر جماعتوں سے آئے ہیں.

ان خیالات کا اظہار انھوں نے میڈیا سے گفتگو کرتے ہوئے کیا. ان کا کہنا تھا کہ پی ٹی آئی میں وہ لوگ شامل ہورہے ہیں، جو ہر الیکشن میں ضمیر بیچتے ہیں.

خواجہ آصف نے کہا کہ جنھیں گٹرمیں پھینکنا چاہیے تھا، انھیں پی ٹی آئی نے ٹکٹ دیے، آخر میں عمران خان کے ارد گرد سیاسی ورکر نہیں، صرف پیسے والے لوگ ہوں گے.

ان کا کہنا تھا کہ مجھے ایک ماہ کے لئے نااہل کیا گیا، مگر قدرت کو میری عزت مقصود تھی، 31 مئی کو ہماری حکومت تحلیل ہوئی اور یکم کو میری نااہلی ختم ہوئی.

خواجہ آصف نے کہا کہ مخالفین اس بار بھی عوام کی عدالت میں شکست سےدوچارہوں گے، جو گڑھا دوسروں کے لیے کھودا، اس میں عمران خان خود گرگئے ہیں، عمران خان کو یہی کہا جاسکتا ہے کہ کچھ شرم ہوتی ہے، کچھ حیا ہوتی ہے.

ان کا کہنا تھا کہ عمران خان جتنی کوشش کرلیں، ایک بار بھی وزیراعظم نہیں بن سکتے، پاکستان کے طول ارض میں لوگ نوازشریف کے نعرے لگا رہے ہیں، مسلم لیگ کا ووٹر میاں نوازشریف کو ووٹ دے گا.

خواجہ آصف نے مخالفین کو آڑے ہاتھ لیتے ہوئے کہا کہ ہم کہتے ہیں کہ ووٹ کو عزت دیں، وہ کہتے ہیں کہ نوٹ کوعزت دو.

خواجہ آصف کا کہنا تھا کہ مشرف کو بے شمار لوگ بچانے کی کوشش کر رہے ہیں، مشرف اقتدار میں تھا، تو بڑے بڑے لوگ اسکی چوکھٹ پرآتے تھے.


نااہلی کیس سے متعلق خواجہ آصف نے سپریم کورٹ میں جواب جمع کروا دیا


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں