The news is by your side.

Advertisement

خواجہ آصف کی واپسی،قیاس آرائیاں دم توڑگئیں

اسلام آباد : وفاقی وزیردفاع خواجہ آصف آج صبح دبئی سے پاکستان پہنچ گئے ان کی آمد سے تمام قیاس آرائیاں دم توڑ گئیں۔

تفصیلات کےمطابق وفاقی وزیر دفاع خواجہ آصف نے دبئی سے پاکستان پہنچ گئے،وطن واپسی پر انہوں نے سماجی رابطے کی ویب سایٹ ٹوئٹر پر اپنے پیغام میں کہاکہ الحمداللہ وطن واپس پہنچ گیا ہوں،اب تیرا کیا بنے گا کالیا۔

خیال رہے کہ گزشتہ روز وزیر دفاع خواجہ آصف اہل خانہ کے ساتھ شادی میں شرکت کے لیے دبئی گئے تھے۔

یاد رہے کہ گزشتہ روز تحریک انصاف کے سربراہ عمران خان نے مسلم لیگ ن کے رہنما پرویز رشید کے استعفے پر کہنا تھا کہ ایک درباری ہٹا دیا گیااور دوسرا بھاگ گیاہے۔

اس سےقبل قومی سلامتی کے اجلاس کی خبر فیڈ کرنے کے معاملے پر وزیراعظم نواز شریف نے گزشتہ روز وفاقی وزیر پرویز رشید سے وزارت اطلاعات کا قلمدان واپس لے لیا تھا۔

واضح رہے کہ سرکاری اعلامیہ کے مطابق انگریزی اخبار میں شائع خبر قومی سلامتی کے منافی تھی،دستیاب شواہد کے مطابق وزیراطلاعات نے کوتاہی برتی،وزیراطلاعات کو آزادانہ تحقیقات کےلیے عہدہ چھوڑنے کی ہدایت کی گئی ہے۔

Comments

comments

یہ بھی پڑھیں