site
stats
پاکستان

وزیر خارجہ خواجہ آصف کی افغان سفارتخانے آمد

اسلام آباد: وزیر خارجہ خواجہ آصف افغان سفارتخانے پہنچے جہاں انہوں نے تعزیتی کتاب میں کابل دہشت گردی پر اپنے تاثرات قلمبند کیے۔

تفصیلات کے مطابق وزیر خارجہ خواجہ آصف اسلام آباد میں واقع افغان سفارتخانے پہنچے۔ ان کا کہنا تھا کہ تعزیت کے لیے حاضر ہوا تھا۔

خواجہ آصف نے کہا کہ کابل دہشت گردی کی جتنی مذمت کی جائے کم ہے۔ دہشت گردی کے خلاف جنگ ہم نے مل کر لڑنی ہے۔ یہ افغانستان اور پاکستان کی مشترکہ جنگ ہے۔

انہوں نے کہا کہ گزشتہ روز افغانستان سےاعلیٰ سطح کا وفد آیا۔ وفد کی آمد نے ثابت کیا دونوں ممالک با اثر کوششوں کے خواہاں ہیں۔ دہشت گردی کے خلاف جنگ پاکستان اور افغانستان مل کر لڑ سکتے ہیں۔

دوسری جانب افغان سفیر کا کہنا تھا کہ وزیر خارجہ کی سفارتخانے آمد اور کابل حملے پر اظہار افسوس پر مشکور ہیں۔ دونوں ممالک میں عدم اعتماد کی خلیج کو کم کرنے کی ضرورت ہے۔

یاد رہے کہ رواں ہفتے افغانستان میں دہشت گردی کی نئی لہر اٹھی ہے اور یکے بعد دیگرے افغانستان کے اہم علاقوں کو بم دھماکوں اور حملوں کا نشانہ بنایا جا چکا ہے۔

اس سے قبل پاکستانی دفتر خارجہ نے افغانستان میں ہونے والے تمام حملوں کی مذمت کرتے ہوئے افغان عوام سے اظہار یکجہتی کیا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی فیس بک وال پر شیئر کریں۔

Print Friendly, PDF & Email
20

Comments

comments

loading...

Most Popular

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top