site
stats
پاکستان

موجودہ آئین میں ترامیم ناگزیرہیں، خواجہ سعد رفیق

لاہور : وفاقی وزیر ریلوے خواجہ سعد رفیق نے کہا ہے کہ موجودہ آئین میں ترامیم ناگزیر ہیں، ہمارے ساتھ جو ہونا تھا وہ ہوگیا، آئین میں کچھ ایسی شقیں شامل کی جائیں گی جس سےفوری انصاف ملے۔

ان خیالات کا اظہار انہوں نے لاہور میں صحافیوں سے گفتگو کرتے ہوئے کیا، خواجہ سعد رفیق نے کہا کہ کلثوم نواز این اے 120میں پاکستان مسلم لیگ ن کی امیدوار ہیں، ضمنی انتخاب میں بھرپور کامیابی حاصل کریں گے۔

ان کا کہنا تھا کہ آج رائے ونڈ میں نوازشریف نے پارٹی رہنماؤں سے مشاورت کی ہے، اجلاس میں عوامی رابطہ مہم فعال اور مزید تیزکرنے کا فیصلہ کیا گیا ہے، عوامی رابطہ مہم سے متعلق پروگرام چند روز میں جاری کردیا جائیگا۔

خواجہ سعد رفیق نے آئین میں ترمیم کے حوالے سے کہا کہ موجودہ آئین میں ترامیم ناگزیر ہوگئی ہیں، اس سلسلے میں دیگر معاملات دیکھ رہےہیں، سابق وزیر اعظم نوازشریف نے بھی کہا ہے کہ موجودہ آئین میں اہم ترامیم کی ضرورت ہے، آئین میں کچھ ایسی شقیں شامل کی جائیں گی کہ جس سے عوام کو فوری اور سستا انصاف ملے گا۔

ان کا کہنا تھا کہ ہمارے ساتھ جو ہونا تھا وہ ہوگیا اب ہم چاہتے ہیں کہ آئندہ لوگوں کے ساتھ ایسا کچھ نہ ہو، عمران خان نے تاریخی غلطی کی ہے جس کا ااحساس انہیں بعد میں ہوگا۔

انہوں نے عمران خان کو مخاطب کرتے ہوئے کہا کہ خان صاحب وہ وقت زیادہ دور نہیں جب آپ خود آکر ہم سے بات کریں گے اور عوام کو یقین دلائیں گے کہ نواز شریف کو ہٹانے میں میرا کوئی کردار نہیں تھا۔

جی ٹی روڈ کے چار روزہ سفر کے بعد کچھ چیزیں تبدیل ہوئی ہیں، میدان نوازشریف کے ہاتھ میں ہے اب اپوزیشن کے ہاتھ کچھ نہیں آئیگا، حکومت ساتھی چلا رہے ہیں، جلسے ہم کررہے ہیں۔

سعد رفیق کا مزید کہنا تھا کہ پہلے دوڑلگی ہوتی تھی کس نے وزیربننا ہےاور اختیارات لینے ہیں، لیکن اب صورتحال مختلف ہے، شاہد خاقان عباسی بارباردرخواست کرتے رہے کہ مجھے وزیراعظم نہ بنائیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top