site
stats
پاکستان

عمران خان کی معذرت کے بھی منتظر ہیں، خواجہ سعد رفیق

لاہور : وزیر ریلوے خواجہ سعد رفیق نے کہا ہے کہ عمران خان کو الزام لگاتے ہوئے شرم نہیں آتی معافی مانگنے میں کیوں شرماتے ہیں۔ یہ بات انہوں نے عمران خان کی جانب سے مریم نواز پر تنقید کے رد عمل میں کہی۔

خواجہ سعد رفیق نے کہا کہ عمران خان کی ہمشیرہ کی مریم نواز سے معذرت کا خیر مقدم کرتے ہیں لیکن ہم مریم نواز سے عمران خان کی معذرت کے منتظر ہیں۔

سعد رفیق نے کہا کہ عمران خان نے طیش اور نفرت میں بلا تحقیق مریم نواز پر الزام لگا یا، عمران اینڈ کمپنی کوبغیر تحقیق بہتان تراشی کا رویہ بدلنا ہوگا۔

انہوں نے مزید کہا کہ عمران خان اور پیپلز پارٹی کا ایجنڈا الگ الگ ہے، کرپشن کا ایشو پیپلز پارٹی کا پرابلم نہیں ہے، پیپلز پارٹی کے طریقہ کار سے اختلاف اپنی جگہ لیکن جمہوریت کیخلاف کام نہیں کرے گی۔

انہوں نے کہا کہ عمران نے دھرنوں کی سیاست سے کوئی سبق نہیں سیکھا، ایک سوال کے جواب میں وزیر ریلوے نے کہا کہ پاکستان ریلوے خسارے میں ہے ،لوٹ مار کرنے والوں پر ہاتھ ضرور ڈالوں گا ۔

ان کا کہنا ہے کہ اسٹیٹس کو پر ہاتھ  ڈالا ہے جس پر ڈٹے رہیں گے، امید ہے کہ عدالت میں ریلوے کو انصاف ملے گا۔

علاوہ ازیں وزیر اعلیٰ پنجاب میاں شہباز شریف نے بھی عمران خان پر باؤنسر مارتے ہوئے کہا ہے کہ عمران خان تنقید کریں جھوٹ نہ بولیں۔

 

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top