ایسے لوگ سیاست میں آگئے ہیں جنھیں سیاست کی الف بے نہیں آتی، سعد رفیق -
The news is by your side.

Advertisement

ایسے لوگ سیاست میں آگئے ہیں جنھیں سیاست کی الف بے نہیں آتی، سعد رفیق

وزیر ریلوے خواجہ سعد رفیق کا کہنا ہے کہ ایسےلوگ سیاست میں آگئے ہیں جوسیاست سے نابلد ہیں۔

قومی اسمبلی میں پی ٹی آئی چیئرمین عمران خان کے خطاب کے بعد ن لیگ کے خواجہ سعد رفیق نے فلور سنبھالا اور نام لئے بغیر کپتان پر برس پڑے، وفاقی وزیرریلوے کا قومی اسمبلی میں خطاب کرتے ہوئے کہا کہ سوا لاکھ ووٹ لینے کے بعد بھی ہم عدالتوں میں خوار ہو رہےہیں، ایسےلوگ سیاست میں آگئے ہیں جنھیں سیاست کی الف بے نہیں آتی۔

خواجہ سعد رفیق نے کہا کہ عمران‌ خان دوسروں کو سبق پڑھاتے ہیں لیکن خود سیکھنے کو تیار نہیں، عمران خان جب سے سر گرم ہوئے ، باتیں ہی کرتے ہیں، بات چیت کا راستہ موجود ہےآئیں مل بیٹھیں۔

انکا کہنا تھا کہ کل تک پیپلزپارٹی ان کا نشانہ تھی آج اکٹھے واک آؤٹ کررہے ہیں، عمران خان دوبارہ پیپلزپارٹی کو گالیاں دیں گے کیونکہ ان کی فطرت ہے، ان کا ایجنڈا جمہوریت اور پارلیمنٹ کو نہ چلنے دینے کا ہے، عمران خان چہرے پر معصومیت سجا کر اداکاری کرتے ہیں۔

سعد رفیق نے کہا کہ نیب کے بعض قوانین پر ہمیں بھی تحفظات تھے لیکن ہم نے اسے نہیں چھیڑا، آپ کے وزرا کو کے پی کے کی نیب نے پکڑا آپ نے اس کی چھٹی کرادی، آپ اتنے پارسا ہیں قوم کو بتائیں، کے پی کے پولیس نے لوگوں کا جینا حرام کردیا ہے۔

وفاقی وزیر ریلوے نے ٹی او آرز کے حوالے سے بتایا کہ سپریم کورٹ نے کوئی ٹی او آرز مسترد نہیں کیے، حکومت نے جو ٹی او آرز بنائے ان کے تحت کوئی بچ نہیں سکتا، حکومت نے اتفاق رائے سے ٹی اوآر بنانے کی ہر ممکن کوشش کی، پی ٹی آئی اور ایک وکیل نے ٹی او آر بننے نہیں دیے، اپوزیشن کے ٹی او آر منتخب وزیراعظم کو ٹارگٹ کرنے اور بدنام کرنے کیلیے تھے، ججز کی توہین کی گئی، کسی نے پاناما پیپرز تحقیقات پر رضامندی ظاہر نہ کی

انھوں نے کہا کہ جہانگیرترین نے7کروڑ30 لاکھ روپے جرمانہ ایف بی آر کو کیوں دیا؟

سعد رفیق نے کہا کہ کھیلتے ہوئے سیاست دان بننے والوں کو میچورٹی کا کیا پتا، جمائما نے بے نامی جائیداد کا ذکر کیا، فیصلہ عدالت کرے گی کہ انھوں نے جائیداد کہاں سے لی؟ آف شورکمپنی جب اپنی نکلی تو پتا چلاکہ وہ تو اس کے بانی ہیں۔

Comments

comments

یہ بھی پڑھیں