The news is by your side.

Advertisement

کشمیری شہدا کاخون رنگ لائے گا اور بھارت ذلت آمیزشکست سےدوچارہوگا،خواجہ سعدرفیق

لاہور: وزیرریلوے خواجہ سعدرفیق کا کہنا ہے کہ آج کشمیریوں سےیکجہتی ،بھارتی جارحیت کی مذمت کادن ہے کشمیریوں کاعزم وحوصلہ ہمالیہ سے بلند اور مضبوط ہے، کشمیری شہدا کاخون رنگ لائے گا، بھارت ذلت آمیزشکست سے دوچار ہوگا۔

تفصیلات کے مطابق وزیرریلوے خواجہ سعدرفیق نے یوم یکجہتی کشمیر کے موقع پر سماجی رابطے کی ویب سائٹ ٹوئٹر پر اپنے بیان کہا ہے کہ آج کشمیریوں سے یکجہتی ،بھارتی جارحیت کی مذمت کادن ہے، آج پاکستان سےتحریک حریت کشمیرسے یگانگت، پشتیبانی کا پیغام جاناچاہئے، سبزہلالی پرچم کے سائے تلے ہم سب کشمیریوں کے ساتھ ہیں۔

 

 

سعدرفیق کا کہنا تھا کہ نہتے کشمیری کا جذبۂِ حُریت اور پاکستان کی ثابت قدمی بھارتی جارحیت کو شکست دے گی انشااللہ ، جبر کے تمام بھارتی ہتھکنڈے ناکام ہوچُکے۔ کشمیری آزادی لے کر رھیں گے، کشمیر بنے گا پاکستان انشا اللہ۔

انھوں نے کہا کہ کشمیر پاکستان کی شہ رگ ہے، اپنی شہ رگ ظالم کے ھاتھ میں نہیں رہنے دیں گے۔

وزیرریلوے کا کہنا تھا کہ تم نےجس خون کومقتل میں چھپاناچاہاآج وہ کوچہ وبازارمیں آنکلا، آج وہ خون کہیں شعلہ کہیں نعرہ کہیں پتھربن کر آنکلا ہے۔

سعدرفیق نے کہا کہ کشمیریوں کاعزم وحوصلہ ہمالیہ سےبلنداورمضبوط ہے، دہائیوں سےجاری تحریک کو ریاستی دہشتگردی سے دبایانہیں جاسکا، پاکستان کشمیریوں کی حمایت سےکبھی پیچھے نہیں ہٹےگا۔

انکا مزید کہنا تھا کہ کشمیری شہدا کا خون رنگ لائے گا، بھارت ذلت آمیزشکست سےدوچارہوگا، کشمیریوں کے جذبے نے بھارتی سامراج کو برہنہ کرڈالا، آج ایک دوسرے کورگیدنے کے بجائے بھارتی جارحیت کی مذمت کی جائے۔


مزید پڑھیں : آج یوم یکجہتیِ کشمیرملی جوش وجذبے سے منایا جارہا ہے 


یاد رہےکہ مقبوضہ کشمیر پر بھارت کے غاصبانہ قبضےکے خلاف اورمظلوم کشمیریوں سے اظہار یکجہتی کے لیے پاکستان سمیت دنیا بھرمیں یوم یکجہتی کشمیر آج منایاجارہا ہے


خبر کے بارے میں اپنی رائے کا اظہار کمنٹس میں کریں، مذکورہ معلومات کو زیادہ سے زیادہ لوگوں تک پہچانے کےلیے سوشل میڈیا پرشیئر کریں۔

Print Friendly, PDF & Email

Comments

comments

یہ بھی پڑھیں