The news is by your side.

Advertisement

عمران خان جھوٹ بولنےکاعالمی چیمپئن ہے، خواجہ سعد رفیق

لاہور : وزیر ریلوے خواجہ سعد رفیق نے کہا ہے کہ عمران خان جھوٹ بولنےکاعالمی چیمپئن ہے، سندھ کی حکمران جماعت نےصوبے کو کھنڈربنا دیا، ہم نبی کےعاشق ہیں، کوئی کٹہرے میں کھڑا کرنے کی کوشش نہ کرے۔

ان خیالات کاا ظہار انہوں نے لاہور میں کیپٹن (ر) مبین شہید انڈر پاس کی افتتاحی تقریب سے خطاب کرتے ہوئے کیا، خواجہ سعد رفیق نے اپنے خطاب میں چیئرمین پی ٹی آئی پر شدید تنقید کرتے ہوئے کہا کہ عمران خان جھوٹ بولنے کا عالمی چیمپئن ہے۔

تم نئے کھلاڑی ہو، تمہیں کھیل کا نہیں پتہ، تم پشاور کےآدم خور چوہے ختم نہیں کرسکے، جب ڈینگی آتا ہے تو بزدلوں کی طرح مچھر سے ڈرکر نتھیا گلی کے پہاڑوں پرچڑھ جاتےہو۔

انہوں نے مزید کہا کہ ملک میں دھرنوں کا کلچر چل پڑا ہے، دھرنےوالوں کومعلوم ہوناچاہیے کہ وہ لوگوں کیلئے عذاب بن جاتےہیں، راستوں کو بند نہیں بلکہ ان کو کھولنا چاہیے، دھرنوں کی وجہ سے بچےاسکول اورمریض اسپتال نہیں پہنچ پاتے۔

مسئلہ ختم نبوتﷺ کانہیں ختم حکومت کا ہے

جمہوریت کےخلاف ہرسازش کاہم نےمقابلہ کیاہے اور آئندہ بھی کریں گے، ہم نبی کےعاشق ہیں، ہمیں کوئی کٹہرےمیں کھڑاکرنےکی کوشش نہ کرے، یہ مسئلہ ختم نبوت کانہیں ختم حکومت کا ہے۔

سعدرفیق کا کہنا تھا کہ ماضی میں مہینوں دھرنا دے کر ایٹمی طاقت کے دارالخلافہ کو مفلوج بنایا گیا، دنیا کو پیغام دیاگیا کہ چند ہزارلوگ اسلام آباد کو مفلوج بناسکتے ہیں۔

بےشرمو، پی ٹی وی پر قبضہ کرنے پر ایک دوسرے کو مبارک باد دیتے ہو، ایک کنٹینر سےمبارک باد جاتی تو دوسرے کنٹینر پروصول کی جاتی تھی، بتاؤ کس کے کہنے پرملک کاتماشا بنانے کی کوشش کی تھی تمھارےپیچھے کون سی طاقتیں تھیں؟

دھرنے والوں نےچین کے صدر کےراستے میں رکاوٹ ڈالی، چینی صدر بھارت چلے گئے،سی پیک لیٹ ہوا پر تمہیں شرم نہیں آئی، ہم کام کرتےرہے اور تم سازشیں کرتے رہے۔

وزیر ریلوے کا کہنا تھا کہ تم کو لاک ڈاؤن کی کال دینی آتی ہے توٹانگوں میں جان بھی ہونی چاہیے، کارکن جیلوں میں تھے اور لیڈرپش اپس لگاتارہا، تم خود ڈی جی خان جیل میں ڈھائی دن نہ کاٹ پائے دوسروں کو اڈیالہ بھیجنے کی بات کرتے ہو، ہماری مخالفت کرو لیکن خدارا ملک کے ساتھ نہ کھیلو، اگر پنجاب میں جنگلا بس ہے تو اسے پشاورمیں کیوں بنانا چاہتے ہو؟

سعد رفیق کا عمران خان سے سوال

انہوں نے سوال کیا کہ ڈی آئی خان کی جیل ٹوٹی اس کے بعد بینک آف خیبر لوٹا گیا، کے پی کے میں احتساب کمیشن کو بند کرکے دفتر پرتالا ڈال دیا گیا لیکن کسی کا استعفیٰ کیوں نہیں آیا؟

سندھ کی حکمران جماعت نے صوبےکو کھنڈر بنا دیا

سعدرفیق نے پیپلز پارٹی کو ہدف تنقید بناتے ہوئے کہا کہ سندھ کی حکمران جماعت نے صوبےکو کھنڈر بنا دیا، زرداری صاحب آپ کراچی کا کچرانہیں اٹھوا سکے،پاکستان کیا بدلیں گے؟

سعد رفیق نے مزید کہا کہ میں نوازشریف کیلئے نہیں بولتا، مجھے میرے باپ کی قبر چپ نہیں ہونے دیتی، مافیا اور گاڈفادر اولاد سمیت عدالتوں میں پیش نہیں ہوتے، ہم دل سےسیاست کرتےہیں،ہمیں چوربنانےکی کوشش کی گئی، ہم بولتےرہیں گے،ہمارےسینوں میں بہت سےچیزیں بھری ہیں۔

مخالفین کیا سینیٹ کا الیکشن چھیننا چاہتےہیں؟

انہوں نے کہا کہ مخالفین کیا سینیٹ کا الیکشن چھیننا چاہتےہیں؟ نوازشریف سے کہو سینیٹ میں ن لیگ کی اکثریت برداشت نہیں ہوتی، نوازشریف کادل بہت بڑاہے، مخالفین صبرکیوں نہیں کرلیتے،5ماہ میں الیکشن ہے، لوگوں کوفیصلہ کرنےدو،تھوڑےدن صبرکرو۔

مخالفین الیکشن کی تیاری کریں اورمنشورکےساتھ مقابلےکیلئےآئیں، اگر ہماری حکومت کی مدت پوری نہیں ہوئی تو آنےوالوں کی بھی نہیں ہوگی، 90کی سیاست واپس آئی تویہ اچھی بات نہیں، سیاست کریں گے توغیرت وعزت سے ورنہ نہیں۔

Print Friendly, PDF & Email

Comments

comments

یہ بھی پڑھیں