ضمنی انتخابات : خواجہ سعد رفیق نے ووٹ کاسٹ کردیا -
The news is by your side.

Advertisement

ضمنی انتخابات : خواجہ سعد رفیق نے ووٹ کاسٹ کردیا

لاہور: قومی اسمبلی کے حلقہ این اے 131 میں مسلم لیگ کے رہنما اور سابق وزیر ریلوے خواجہ سعد رفیق نے ووٹ کاسٹ کردیا۔

تفصیلات کے مطابق لاہورکے حلقے این اے 131 میں ووٹ کاسٹ کرنے کے بعد میڈیا سے گفتگو کرتے ہوئے خواجہ سعد رفیق نے کہا کہ الیکشن لڑنا آسان نہیں، یکساں مواقع نہیں ملتے۔

مسلم لیگ ن کے رہنما نے کہا کہ پولنگ اسٹاف کا کوئی حال نہیں، کچھ افسران کوعلم ہی نہیں، پولنگ اسٹیشنز کے باہربوتھ کی تفصیلات نہیں لگائی گئیں۔

خواجہ سعد رفیق نے میڈیا سے گفتگو کرتے ہوئے کہا کہ کوئی گڑبڑکی کوشش نہ کرے، ایسا ہوا تو ٹکا کرجواب دیں گے۔

دوسری جانب مسلم لیگ ن کی رہنما عظمیٰ بخاری نے کہا کہ مسلم لیگ ن کی جیت یقینی ہے، کوئی شک نہیں ہے، ووٹ اور سپورٹ خواجہ سعد رفیق کے ساتھ ہیں۔

ملک بھر میں ضمنی انتخابات کے لیے پولنگ کا آغاز

واضح رہے کہ ملک میں قومی اسمبلی کی 11 اور صوبائی اسمبلی کی 24 نشتوں پر ضمنی انتخابات کے لیے پولنگ صبح 8 بجے سے شام 5 بجے تک بلا تعطل جاری رہے گی۔

ضمنی انتخابات میں قومی اور پنجاب اسمبلی کی 11 نشستوں کے ساتھ خیبرپختونخواہ اسمبلی کی 9، سندھ اور بلوچستان کی 2،2 نشستوں پرپولنگ جاری ہے اور 600 سے زائد امیدوار انتخابات میں حصہ لے رہے ہیں۔

الیکشن کمیشن کے مطابق مجموعی طور پر35 حلقوں میں 92 لاکھ 93 ہزار 74 ووٹرز اپنا حق رائے دہی استعمال کریں گے جن کے لیے 7 ہزار 489 پولنگ اسٹیشن بنائے گئے ہیں جبکہ ایک ہزار727 پولنگ اسٹیشن کو حساس قرار دیا گیا ہے۔

Comments

comments

یہ بھی پڑھیں