لاہور: وزیر ریلوے خواجہ سعد رفیق کا کہنا ہے کہ زرداری صاحب کی حکمرانی نے شہر قائد کو اجاڑ دیا، اسے سنبھالنے کے بجائے پیشہ ورمجرموں کے رحم وکرم پرچھوڑ رکھا ہے، افسوس صد افسوس۔
تفصیلات کے مطابق وزیر ریلوے خواجہ سعد رفیق نے سماجی رابطے کی ویب سائٹ ٹوئٹر پر اپنے بیان میں کہا کہ کچھ دیر پہلے کراچی آمد ہوئی، ہرطرف غلاظت اور ملبے کے ڈھیرنظرآرہے ہیں۔
سعد رفیق کا کہنا تھا کہ عروس البلاد کراچی ملبے اورکچرے سے اٹا پڑا ہے، زرداری صاحب آپ کی حکمرانی نے شہرقائد کو اجاڑ ڈالا، اسے سنبھالنے کے بجائے پیشہ ور مجرموں کے رحم وکرم پر چھوڑ رکھا ہے، افسوس صدافسوس
مزید پڑھیں : کےپی کے جل رہاہےاورعمران جھوٹ کی بانسری بجا رہاہے،سعد رفیق
یاد رہے گذشتہ روز وزیر ریلوے سعد رفیق نے عمران خان پر تنقید کرتے ہوئے کہا تھا کہ کے پی سےعمران کارشتہ محض سرکاری وسائل کے استعمال تک محیط ہے، کے پی کے جل رہا ہے اورعمران جھوٹ کی بانسری بجا رہا ہے، دوسروں پربہتان پی ٹی آئی نےکبھی کوتاہی یا نااہلی تسلیم نہیں کی۔
