آصف زرداری کی بریت قیامت کےآثارہیں،سعدرفیق کاٹوئٹkhawaja saad
The news is by your side.

Advertisement

آصف زرداری کی بریت قیامت کےآثارہیں،سعدرفیق کاٹوئٹ

لاہور :وزیر ریلوئے خواجہ سعد رفیق کا کہنا ہے کہ زرداری عدالت سے بری،نوازشریف کو پھنسالیا جاتا ہے، آصف زرداری کی بریت قیامت کے آثار ہیں۔

تفصیلات کے مطابق وفاقی وزیر ریلوے سعد رفیق نے سماجی رابطے کی وہب سائٹ ٹوئٹر پر اپنے پیغام میں کہا کہ آصف زرداری کی بریت قیامت کےآثار ہیں، زرداری عدالت سے بری اور نوازشریف کو پھنسالیا جاتا ہے۔

سعد رفیق نے کہا کہ ملک کےمنتخب وزیراعظم کو جب تضحیک اور تذلیل کرکے نکالیں گے توسیاسی عدم استحکام ہو گا.یہ کھیل کھیلنے والے پہلے سوچتے کہ کیا کھیل کھیلا جارہا ہے۔

وفاقی وزیر ریلوے نے اپنے ٹوئٹ میں کہا کہ رائے ونڈ والے نیک لوگ ہیں اور نیک لوگوں کی دعاؤں سے پاکستان چل رہا ہے. معیشت روکنے کے زمہ دار ملک میں سیاسی عدم استحکام پیدا کرنے والے ہیں۔

انھوں نے کہا کہ شیخ رشید سیاسی جوکر ہے ان کو سنجیدگی سے نہیں لیتا۔

سعد رفیق نے کہا کہ وزیر اعظم کو ایک ایسی تنخواہ پر نکال دیا جاتا ہے جو اس نے لی ہی نہیں، لیکن یہاں رائل پام کلب پر قبضہ کیا ہوا ہے ان سے کوئی پوچھتا ہی نہیں۔

اس سےقبل عوام ایکسپریس کی نئی کوچز کی افتتاحی تقریب سے خطاب کرتے ہوئے وزیر ریلوئے خواجہ سعد رفیق کا کہنا تھا کہ منتخب وزیر اعظم کی تذلیل اور انہیں نکالنے سے ملکی معشیت پر منفیٰ اثرات مرتب ہو رہے ہیں۔ ملکی و غیر ملکی سرمایہ کار ڈر گئےہیں۔

خواجہ سعد رفیق نے کہا کہ عوام ایکسپریس کی اپگریڈیشن ریلوے نے اپنے ریونیو سے کی. عوام ایکسپریس کی اپگریڈیشن پر دس کروڑ لاگت آئی، ہم نے ریلوے کا سسٹم بنادیا ہے اگر یہی سسٹم چلتا رہا تو پاکستان ریلوے کا شمار دنیا کے اچھے اداروں میں ہوگا۔


اگر آپ کو یہ خبر پسند نہیں آئی تو برائے مہربانی نیچے کمنٹس میں اپنی رائے کا اظہار کریں اور اگر آپ کو یہ مضمون پسند آیا ہے تو اسے اپنی وال پر شیئرکریں۔

Comments

comments

یہ بھی پڑھیں