The news is by your side.

Advertisement

کراچی : کالعدم تنظیم کے دو دہشت گردوں سمیت پچیس سے زائد ملزمان گرفتار

کراچی : شہر قائد کے مختلف علاقوں میں پولیس اور رینجرز نے کارروائیاں کرکے کالعدم تنظیم کے دو دہشت گردوں سمیت پچیس سے زائد ملزمان کو گرفتار کرکے اسلحہ برآمد کرلیا۔

ترجمان رینجرز کے مطابق خفیہ اطلاع پر شہر کے مختلف علاقوں میں چھاپہ مار کارروائیاں کی گئیں اس دوران مختلف سنگین جرائم میں ملوث 23 ملزمان کو گرفتار کیا گیا، جن کے قبضے سے اسلحہ بھی برآمد ہوا ہے۔

کارروائی فیڈرل بی ایریا، لیاری ، اور کورنگی کے علاقوں میں کی گئیں۔ گرفتار ملزمان سے مزید پوچھ گچھ جاری ہے۔

دوسری جانب پولیس نے عوامی کالونی کے علاقے میں کارروائی کرتے ہوئے دو دہشت گردوں کو گرفتار کرلیا، گرفتار دہشت گردوں کا تعلق کالعدم تنظیم سے بتایا جاتا ہے۔

دہشت گردوں کے قبضے سے دستی بم سمیت دیگر اسلحہ اور چھینی ہوئی موٹرسائیکل برآمد ہوئی ہے۔ ملزمان سے سنسنی خیز انکشافات متوقع ہیں۔

Comments

comments

یہ بھی پڑھیں