site
stats
پاکستان

کراچی: رینجرز کی مختلف علاقوں میں کارروائیاں، 8 ملزمان گرفتار

کراچی: صوبہ سندھ کے دارالحکومت کراچی میں رینجرز نے مختلف علاقوں میں کارروائیاں کرتے ہوئے 8 ملزمان کو گرفتار کرلیا۔ گرفترا ملزمان سے اسلحہ بھی برآمد ہوا۔

ترجمان رینجرز کے مطابق گرفتار ملزمان میں سے 2 کا تعلق کالعدم تنظیم جبکہ 4 کا تعلق سیاسی جماعت کے عسکری ونگ سے ہے۔ گرفتار ملزمان کے قبضے سے غیر قانونی اسلحہ بھی برآمد کیا گیا ہے۔

ترجمان نے بتایا کہ کارروائیاں لانڈھی، شاہ فیصل اور ملیر کے علاقوں میں کی گئی۔

یاد رہے کہ گزشتہ روز رات گئے پولیس کی جانب سے بھی مختلف علاقوں میں چھاپہ مار کارروائیاں کی گئیں جن میں 12 ملزمان کو گرفتار کیا گیا۔

صدر میں رات گئے ہونے والی چھاپہ مار کارروائی کے دوران 6 افراد کو حراست میں لیا گیا۔ ذرائع کے مطابق زیر حراست افراد کا تعلق ایم کیو ایم لندن سے ہے۔ مشتبہ افراد کو تفتیش کے لیے نامعلوم مقام پر منتقل کردیا گیا۔

ادھر گلبرگ بلاک 7 میں ٹارگٹڈ کارروائی کے بعد سیاسی جماعت کے 2 کارکنان ثاقب اور سمیر کو حراست میں لے لیا گیا۔ منگھو پیر میں بھی رینجرز نے جرائم پیشہ افراد کی موجودگی کی اطلاع پر سرچ آپریشن کیا۔

آپریشن کے دوران گھر گھر تلاشی لی گئی اور 4 مشتبہ افراد کو حراست میں لے لیا گیا۔ زیر حراست افراد سے نامعلوم مقام پر تفتیش جاری ہے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top