کراچی: ناگن چورنگی کےقریب موبائل وین پر فائرنگ کے نتیجے میں3افراد جاں بحق -
The news is by your side.

Advertisement

کراچی: ناگن چورنگی کےقریب موبائل وین پر فائرنگ کے نتیجے میں3افراد جاں بحق

کراچی: شہر قائد کے علاقے ناگن چورنگی کے قریب موبائل وین پر فائرنگ کے نتیجے میں تین افراد جاں بحق ہو گئے۔

ناگن چورنگی کے قریب پولیس موبائل سے مماثلت رکھنے والی گاڑی پر نامعلوم ملزمان نے فائرنگ کردی جس کے باعث گاڑی میں سوار دو افراد اور ایک بچی شدید زخمی ہوگئی۔

اسپتال منتقل کے دوران دونوں افراد زخموں کی تاب نہ لاتے ہوئے راستے میں دم توڑ گئے۔ جابحق افراد کی شناخت عابد اور عتیق کے نام سے کی گئی جبکہ بچی کی شناخت تشبیہ کے نام سے ہوئی ہے۔

ابتدائی تفتیش کے دوران پولیس حکام کی جانب سے کہا گیا ہے کہ مقتول عابد سٹی وارڈن تھا جبکہ پولیس کا کہنا ہے کہ حملے کا نشانہ بننے والی گاڑی پولیس موبائل سے مماثلت رکھتی ہے جس پر نمبر پلیٹ نہیں لگی ہے۔

پولیس حکام کا کہنا ہے کہ انج اور چیچس نمبر کی مدد سے گاڑی کی شناخت کی کوشش کی جارہی ہے۔ تاہم اب تک یہ معلوم نہیں ہوسکا ہے کہ حملے کا نشانہ بننے والی گاڑی پولیس موبائل ہے یا کوئی نجی گاڑی ہے یہ بات تحقیات کے بعد ہی سامنے لائی جاسکے گی۔

Comments

comments

یہ بھی پڑھیں