site
stats
پاکستان

لاہورسے خود کش بمبارساتھی سمیت گرفتار، جیکٹ برآمد

لاہور : حساس ادارے نے کامیاب کارروائی کے دوران ایک خود کش بمبار کو گرفتار کرکے خود کش جیکٹ اور بارودی مواد برآمد کرلیا۔ ملزم کا ساتھی بھی پکڑا گیا۔

تفصیلات کے مطابق لاہور بڑی تباہی سے بچ گیا۔ حساس اداروں نے دریائے راوی کے قریب سے خودکش بمبار اوراس کا ساتھی گرفتارکرلیا، ذرائع کا کہنا ہے کہ مذکورہ دہشت گرد نے اسکول یونیفارم پہن کر پولیس لائن قلعہ گجرسنگھ کے قریب اسکولوں یا ریلوےاسٹیشن پردھماکہ کرنا تھا۔


Terror bid foiled, suicide bomber arrested by arynews

ذرائع کے مطابق خودکش بمبار کا تعلق مہمند ایجنسی سے ہے اوراس نے کنہار سے تربیت حاصل کی۔ دہشت گرد سے خود کش جیکٹ اوربارودی مواد بھی برآمد ہوا ہے۔

دوسری جانب لاہورمیں کینٹ کے علاقہ اسماعیل ٹاؤن میں پولیس اور حساس اداروں نے سرچ آپریشن کے دوران انہترمشکوک افراد کو حراست میں لے لیا۔

آپریشن کے دوران حراست میں لیے گئے شہریوں کی بائیو میٹرک سسٹم کے ذریعے تصدیق بھی کی گئی۔

مزید پڑھیں: لاہور پر حملے کا خدشہ: افغانستان سے دو خودکش بمبار پہنچ گئے

یاد رہے کہ سیکیورٹی اداروں نے چند روز قبل لاہور میں دہشت گردی کا الرٹ جاری کرتے ہوئے کہا تھا کہ افغانستان سے دو خود کش بمبار لاہور میں داخل ہوگئے ہیں۔

سیکیورٹی سخت کردی جائے۔ سیکیورٹی ادارے نے بتایا تھا کہ لاہور میں داخل ہونے والے دونوں دہشت گرد کم سن ہیں اور ان کی عمریں 10 تا 12 سال ہیں جو کسی اسکول یا سرکاری عمارت کو نشانہ بناسکتے ہیں۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top