The news is by your side.

Advertisement

پاکستان اور پولینڈ کے درمیان دفاعی تعاون پر مفاہمت کی یادداشت پر دستخط

وارسا: پاکستان اور پولینڈ کے درمیان دفاعی تعاون پر مفاہمت کی یادداشت پر دستخط کیے گئے۔ اس موقع پر وزیر دفاع خرم دستگیر نے کہا کہ معلومات کے تبادلوں سے دنیا بھر میں کئی حملے ناکام بنائے۔

تفصیلات کے مطابق وزیر دفاع خرم دستگیر پولینڈ کے 3 روزہ دورے پر ہیں۔ دورےمیں دفاعی تعاون پر مفاہمت کی یادداشت پر دستخط کیے گئے۔

وزیر دفاع کا کہنا تھا کہ پاکستان پر امن بقائے باہمی کی پالیسی پر یقین رکھتا ہے۔ پاکستان ہر قسم کی دہشت گردی کی مذمت کرتا ہے۔

انہوں نے کہا کہ معلومات کے تبادلوں سے دنیا بھر میں کئی حملے ناکام بنائے۔ پاکستان نے دہشت گردی کے خلاف جنگ میں کثیر الجہتی تعاون کیا۔ پاکستان نے خطے میں قیام امن کا عزم کر رکھا ہے۔

وزیر دفاع نے پولینڈ کے ہم منصب سے بھی ملاقات کی۔ ملاقات میں انہوں نے افغانستان میں بھارتی کردار اور پاکستانی سرحدوں کی خلاف ورزیوں پر تشویش سے آگاہ کیا۔

علاوہ ازیں خرم دستگیر نے ڈیفنس انڈسٹریز کا بھی دورہ کیا۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہچانے کے لیے سوشل میڈیا پر شیئر کریں۔

Comments

comments

یہ بھی پڑھیں