پاکستان کے فاسٹ بولر خرم شہزاد کا کہنا ہے کہ اگر وقت پر ریویو لیتے تو بنگلادیش کو اور جلدی آؤٹ کرسکتے تھے۔
بنگلادیش کے خلاف دوسرے ٹیسٹ میچ کے پہلے روز کھیل کے اختتام پر میڈیا سے گفتگو کرتے ہوئے فاسٹ بولر خرم شہزاد نے کہا کہ ہمیں جلدی وکٹ مل گئیں لیکن ان لکی رہے کہ ایک دو ریویو مس کرگئے لٹن داس آؤٹ تھے لیکن ہم نے ریویو نہیں لیا اگر ہمارے حق میں یہ فیصلہ ہوتا تو وہ 200 کے اندر آؤٹ ہوجاتے۔
Another opportunity wasted by Pakistan. 🤦♂️
– A clear edge from Litton Das, but Muhammad Rizwan and Shan Masood decided not to review.pic.twitter.com/8Kg9EPMnnb
— Sheri. (@CallMeSheri1_) May 16, 2026
انہوں نے کہا کہ لٹن داس کو کافی باؤنسرز کیں انہیں دو مواقع بھی ملے کیچ ڈراپ ہوگیا۔
یہ پڑھیں: محمد عباس نے منفرد اعزاز حاصل کرلیا
خرم شہزاد نے کہا کہ کنڈیشن کے حساب سے فیلڈنگ سیٹ کی تھی، 150 پر ان کے 6 سے 7 آؤٹ تھے لیکن ہم نے 300 کے اندر آؤٹ کرلیا ہے یہ پچ بھی ڈھاکا سے مختلف ہے وہاں پر کریک تھے اور اس پچ پر بیٹنگ کو بھی سپورٹ مل رہی ہے۔
فاسٹ بولر نے کہا کہ ہماری پارٹنر شپ لگتی ہے تو کوشش ہوگی کہ 450 رنز بورڈ پر سجائیں۔
انہوں نے کہا کہ ہم بطور پروفیشنل اپنی تیاری رکھتے ہیں، چانس ملنا یہ نہ ملنا مینجمنٹ کے ہاتھ میں ہوتا ہے، میری کوشش ہوتی ہے کہ جب بھی موقع ملے تو اچھی کارکردگی دکھا سکوں۔
خرم شہزاد نے کہا کہ ہماری بولنگ ٹھیک تھی، ہم تین بولر کے ساتھ بولنگ کررہے تھے اور ساجد خان سے بھی ہمیں سپورٹ مل رہی تھی، میرے خیال میں 4 بولر ہمارے کافی تھے۔
صحافی و بلاگر، 10 سال سے اے آر وائی نیوز سے وابستہ ہیں