The news is by your side.

Advertisement

نوازشریف جیسے بڑے مگرمچھ کی منزل اڈیالہ جیل ہے: خرم شیرزمان

کراچی: پی ٹی آئی کراچی ڈویژن کے صدر اور رکن سندھ اسمبلی خرم شیرزمان کا کہنا ہے کہ نوازشریف جیسے بڑے مگرمچھ کی منزل اڈیالہ جیل ہے۔

تفصیلات کے مطابق اپنے ایک بیان میں خرم شیر زمان کا کہنا تھا کہ العزیزیہ اور فلیگ شپ ریفرنسز کا انجام تاریخ ساز ہوگا، کرپٹ عناصر کو بے نقاب کریں گے۔

انہوں نے کہا کہ دنیا بھر میں نواز شریف کرپشن کی علامت ہیں، ان سمیت دیگر بدعنوان عناصر کو بے نقاب کیا جائے گا، نئے پاکستان میں چوروں کے لیے کوئی جگہ نہیں ہے۔

نواز شریف کے خلاف 2 ریفرنسز کا فیصلہ آج سنایا جائے گا

رہنما پی ٹی آئی کا کہنا تھا کہ وزیراعظم عمران خان چوروں اور لٹیروں سے نجات دلانے کے لیے پرعزم ہیں۔

خیال رہے کہ سابق وزیرِ اعظم نواز شریف کے خلاف 2 ریفرنسز کا فیصلہ آج سنایا جائے گا، پورے ملک کی نگاہیں احتساب عدالت پر مرکوز ہو گئی ہیں۔

یاد رہے کہ 19 دسمبر کو احتساب عدالت نے سابق وزیرِ اعظم نواز شریف کے خلاف کرپشن ریفرنسز پر فیصلہ محفوظ کیا تھا۔

احتساب عدالت نمبر 1 اور 2 میں سابق وزیرِ اعظم کے خلاف نیب ریفرنسز کی مجموعی طور پر 183 سماعتیں ہوئیں، نواز شریف مجموعی طور پر 130 بار احتساب عدالت کے روبرو پیش ہوئے۔

Comments

comments

یہ بھی پڑھیں