The news is by your side.

Advertisement

سندھ کے کونے کونے سے ایک ہی آواز آ ر ہی ہے، گڈ بائے پی پی، خرم شیر زمان

کراچی: پاکستان تحریک انصاف کے رہنما خرم شیر زمان کا کہنا ہے کہ آنے والے وقت میں پی پی کی بتدریج مقبولیت، نشستیں کم ہوتی جائیں گی۔

تفصیلات کے مطابق پاکستان تحریک انصاف کے رہنما خرم شیر زمان نے کہا کہ پی پی کو لاڑکانہ سے شکست دے کران کاخواب چکنا چور کر دیا۔

انہوں نے کہا کہ پیپلزپارٹی کی لاڑکانہ میں شکست کے بعد اس کا زوال شروع ہوگیا، آنے والے وقت میں پی پی کی بتدریج مقبولیت، نشستیں کم ہوتی جائیں گی۔

پاکستان تحریک انصاف کے رہنما اور رکن سندھ اسمبلی خرم شیر زمان نے کہا کہ سندھ کے کونے کونے سے ایک ہی آواز آ ر ہی ہے، گڈبائے پیپلزپارٹی۔

لاڑکانہ ضمنی انتخابات، پی پی کو ہوم گراؤنڈ پر شکست کا سامنا

یاد رہے کہ دو روز سندھ اسمبلی کے حلقے پی ایس 11 کے ضمنی انتخابات میں پی پی کو اپنے ہوم گراؤنڈ پر شکست کا سامنا کرنا پڑا جبکہ گرینڈ ڈیموکریٹک الائنس کے امیدوار نے ساڑھے پانچ ہزار ووٹوں سے میدان مارا۔

غیر حتمی غیر سرکاری نتائج کے مطابق ضمنی انتخابات کے تمام پولنگ اسٹیشنز کے غیر حتمی اور غیر سرکاری نتائج کے مطابق جی ڈی اے کے معظم علی 31 ہزار 557 ووٹ لے کر کامیاب قرار پائے۔

بعدازاں چیئرمین پاکستان پیپلزپارٹی بلاول بھٹو زرداری نے لاڑکانہ پی ایس 11 میں ضمنی الیکشن میں پیپلزپارٹی کی شکست پر انتخابی نتائج چیلنج کرنے کا اعلان کیا تھا۔

Comments

comments

یہ بھی پڑھیں